ផ្លូវការ៖ Chelsea បានចុះហត្ថលេខាលើខ្សែបម្រើ Caicedo ក្នុងតម្លៃផ្ទេរ ១១៥លានផោន ខណៈកុងត្រាដល់ឆ្នាំ ២០៣១

ទំហំអក្សរ

តូច

ធំ

(អង់គ្លេស)៖ ខ្សែបម្រើ Moisés Caicedo បានបញ្ចប់ការផ្ទេរទៅកាន់ក្លឹបតោខៀវ Chelsea ជាផ្លូវការ។

អត្ថបទកំពុងចាប់អារម្មណ៍៖ Prediction: Fulham ត្រៀមទទួល Chelsea ដែលអវត្តមានកីឡាករសំខាន់ៗជាច្រើនដោយសារបួស

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

តម្លៃផ្ទេរ ១១៥លានផោន ឬស្មើនឹង ១៤៦លានដុល្លារ នឹងត្រូវផ្តល់ឲ្យក្លឹប Brighton តម្លៃផ្ទេរដ៏ធំសម្បើមនេះបានបំបែកកំណត់ត្រានៅអង់គ្លេស។
កិច្ចសន្យាកុងត្រារហូតដល់ ខែមិថុនា ឆ្នាំ ២០៣១ ជាមួយនឹងជម្រើសរហូតដល់ឆ្នាំ ២០៣២។
Caicedo បានបញ្ចប់ផ្នែកសំខាន់នៃការធ្វើតេស្តវេជ្ជសាស្រ្តរួចរាល់។
Liverpool ខកចិត្ត បន្ទាប់ពីក្លឹបស្ទើតែនាំយកបានខ្សែបម្រើរូបនេះ ជាផ្លូវការទៅហើយកាលពីសប្តាហ៍មុន ដែលភាគីក្លឹបបានយល់ព្រមទាំងសងខាង ខណៈសាមីខ្លួនចង់ចូលរួមជាមួយតោខៀវជាជាងហង្សក្រហម។
Caicedo បានចូលរួមជាមួយ Brighton ក្នុងតម្លៃ ៤លានផោន ក្នុងខែកុម្ភៈ ឆ្នាំ ២០២១៕

Caicedo បាននិយាយរៀបរាប់ថា «Makelele និង Kante គឺជាការបំផុសគំនិតសម្រាប់ខ្ញុំ។ កាលពីខ្ញុំនៅក្មេង ខ្ញុំជាអ្នកគាំទ្រក្លឹប Chelsea ហើយខ្ញុំក៏ធ្លាប់មើលការប្រកួតពីមុនមកផងដែរ។ វាអស្ចារ្យណាស់ដែលខ្ញុំបាននៅទីនេះ»។ «ខ្ញុំមិនសង្ឃឹមអ្វីច្រើនទេ! ខ្ញុំគ្រាន់តែប្រាកដថាយើងនឹងឈ្នះពានជាច្រើនជាមួយក្លឹបដ៏អស្ចារ្យមួយនេះ ព្រោះវាជាអ្វីដែលពួកយើងសមនឹងទទួលបាន»៕