(ព័ត៌មានបរទេសក្តៅៗ)៖ ក្លឹបអារ៉ាប់ Al Hilal បានបញ្ចប់កិច្ចព្រមព្រៀងរួចជាស្រេចជាមួយក្លឹបយក្សបារាំង Paris Saint-Germain ក្នុងការផ្ទេរខ្សែប្រយុទ្ធសញ្ជាតិប្រេស៊ីល Neymar Jr លើកិច្ចសន្យាកុងត្រា រយៈពេល ២ឆ្នាំ ដោយ PSG ទទួលយកសំណើចំនួន ៩០លានអឺរ៉ូ ឬស្មើនឹង ៩៨.៥លានដុល្លារ ខណៈសាមីខ្លួន (Neymar) នឹងទទួលបានប្រាក់ពលកម្មប្រមាណជា ១៦០ លានអឺរ៉ូ ឬស្មើនឹង ១៧៥លានដុល្លារ នៅក្នុង ១រដូវកាល។ គួរបញ្ជាក់ផងដែរថា Neymar រង់ចាំការពិនិត្យសុខភាព ហើយកិច្ចសន្យានឹងត្រូវបានពិនិត្យក្នុងពេលឆាប់ៗនេះ៕
ប្រភពព័ត៌មាន៖ Fabrizio Romano
អតីតអ្នកចាំទីចាស់វស្សារបស់ក្រុមបិសាចក្រហម Man.Utd កីឡាករ David de Gea ដែលបានបដិសេធការផ្តល់ជូនសំណើរជាច្រើនពីក្លឹបនៅលីកកំពូលរបស់ប្រទេសអារ៉ាប៊ីសាអូឌីត ខណៈកីឡាករអន្តរជាតិអេស្បាញកំពុងពិចារណាចូលនិវត្តន៍ប្រសិនរូបគេមិនទទួលបានការផ្តល់ជូននូវសំណើរពីក្លឹបកំពូលនៅអឺរ៉ុបក្នុងប៉ុន្មានខែខាងមុខនេះ ទៀតនោះទេ។អតីតយុវជនថ្នាលក្លឹប At.Madrid ដែលបានផ្ទេរមកកាន់ទឹកដី Old Trafford កាលពីឆ្នាំ ២០១១កំលុងពេលគ្រូតា Sir Alex Ferguson ដឹកនាំ នោះ បានក្លាយជាកីឡាករដែលគ្មានតម្លៃខ្លួនពេលកុងត្រារបស់ខ្លួនអស់សុពលភាពកាលពីខែមិថុនា កន្លងទៅ ស្របពេលក្រុមលោក Erik Ten Hagបានបញ្ចប់ការផ្ទេរយកអ្នកចាំទីអន្តរជាតិកាមេរ៉ូន Andre Onana ពី Inter Milanមកជំនួសតំណែងកីឡាករវ័យ៣២ឆ្នាំរូបនេះ។ De Gea បានបញ្ជាក់យ៉ាងច្បាស់ថាលុយមិនមែនជាអាទិភាពរបស់គាត់ចូលរួមជាមួយក្លឹបថ្មីនោះទេ ខណៈកន្លងមកក្លឹបនៅមាតុភូមិកំណើតគឺ Real Madrid ពិចារណានាំយក រូបគេមកជំនួសអ្នកចាំទីដៃទី១ Thibaut Courtois ដែលនឹងអវត្តមានពេញមួយរដូវកាល ដោយសាររបួស។ ប៉ុន្តែទីបំផុតក្លឹបយក្សអេស្ប៉ាញបានសម្រេចចិត្ត ចុះហត្ថលេខាខ្ចីជើងអ្នកចាំទីកំនត់ត្រាថ្លៃបំផុត និង ជាមិត្តរួមជាតិគឺ Kepa Arrizabalaga ពី Chelseaមកវិញ។អត្ថបទកំពុងចាប់អារម្មណ៍៖ Prediction: ក្រោយបរាជ័យនៅ UCL Dortmund […]
