ការប្រកួតក្របខណ្ឌ EPL បើកឆាកបានបន្តមកដល់ថ្ងៃសៅរ័នេះបន្ទាប់ពី Man.City ជួបជាមួយ Burnley គឺការប្រកួតនៅវេលាម៉ោង៦និង៣០នាទីយប់នេះខណៈក្រុមកាំភ្លើងធំ Arsenal ត្រៀមបើកទ្វារកីឡាដ្ឋាន Emirate Stadium ទទួលក្រុម Nottingham Forest។ គួរបញ្ជាក់ថាក្រោយផ្តួល ក្រុមការពារតំណែងជើងឯក EPL គឺ Man.City ដើម្បីលើកពានបើករដូវកាលថ្មីនេះគឺ Community Shield ក្រុមលោក Mikel Arteta ត្រៀមសម្លឹង រកការសងសឹក Nottingham Forest ដែលបានរួមចំណែកដ៍សំខាន់ក្នុងការបញ្ចប់ក្តីសុបិន្តលើកពានរយៈពេល១៩ឆ្នាំរបស់ពួកគេកាលរដូវកាលមុន។
ក្រុមលោក Stece Cooper មានគម្លាត៤ពិន្ទុប៉ុណ្ណោះពីចំនុចគ្រោះថ្នាក់នៅថ្ងៃបិទបញ្ចប់រដូវកាល ខណៈដែល ពួកគេមានប្រវត្តិ២ប្រកួតជួបជាមួយ Arsenal នៅទឹកដី Emirate គឺបរាជ័យទាំងពីរលើកក្នុងលទ្ធផលរបូតគ្រាប់បាល់ដល់ទៅ៥គ្រាប់ឯណោះ។
១.ពត៌មានកីឡាករArsenal
Arsenal អវត្តមានកីឡាករសំខាន់២រូបមានខ្សែប្រយុទ្ធប្រេស៊ីល Gabriel Jesus និងខ្សែការពារសញ្ជាតិអ៊ុយក្រែន Oleksandr Zinchenko ដោយសាររបួស។ទោះយ៉ាងណាសមាជិកថ្មីDeclan Rice, Jurrien Timber និង Kai Havertz ត្រៀមចូលលេងសម្រាប់ការប្រកួតនេះ ខណៈ Matt Turner ត្រៀមចូលលេងទល់អតីតក្លឹបផងដែរ។
ជម្រើស១១នាក់ដំបូងសម្រាប់Arsenal ត្រៀមនិងចូលលេង
Ramsdale; White, Saliba, Gabriel, Timber; Odegaard, Partey, Rice; Saka, Trossard, Martinelli
ទម្រង់លេងអាចនិងយកមកប្រើប្រាស់សម្រាប់ Arsenal ៤-៣-៣
២.ពត៌មានកីឡាករ Nottingham Forest
ក្រុមអវត្តមានកីឡាករសំខាន់៥រូបរួមមានកីឡាករ Taiwo Awoniyi ខណៈFelipe អាចនិងចូលលេងជាកីឡាករខ្សែការពារ។
ជម្រើស១១នាកដ់ំបូងសម្រាប់Nottingham Forest
Turner; Worrall, Boly, McKenna; Aurier, Yates, Danilo, Mangala, Aina; Gibbs-White, Johnson
ទម្រង់លេងអាចនិងយកមកប្រើប្រាស់សម្រាប់ Nottingham Forest ៤-៣-៣
៣.លទ្ធផលទស្សន៍ទាយសម្រាប់គូនេះគឺ Arsenal ៣:0 Nottingham Forest
ប្រភព:whoscored & sportsmole
