ក្លឹប Paris St-Germain បានបញ្ចប់ការចុះហត្ថលេខានាំយកខ្សែប្រយុទ្ធព័រទុយហ្គាល់ Goncalo Ramos ពីក្រុម Benfica ក្នុងកិច្ចសន្យាខ្ចីជើង ពេញមួយរដូវកាលពោលគឺបន្ទាប់ពីកីឡាករអន្តរជាតិព័ររទុយហ្គាល់រូបនេះស៊ុតបាល់បញ្ចូលទី ២៧ គ្រាប់ក្នុងការបង្ហាញខ្លួន ៤៧ លើកសម្រាប់ Benfica ក្នុងយុទ្ធនាការរដូវកាល២០២២-២០២៣កន្លងទៅ។
កីឡាករវ័យ ២២ ឆ្នាំរូបនេះផងដែរក៏បានបង្កើតព្រឹត្តិការណ៍ដ៍ភ្ញាក់ផ្អើលជាប្រវត្តិសាស្រ្តផងដែរដោយបានស៊ុតបញ្ចូលទីបីគ្រាប់/១ប្រកួតពេលប្រកួតជាមួយស្វីសវគ្គ១៦ក្រុម ក្នុងព្រឹត្តិការណ៍ World Cup កាលពីឆ្នាំមុននៅប្រទេសកាតា ដែលជាហេតុធ្វើអោយមានការចាប់អារម្មណ៍ ពីក្លឹបកំពូល ៗ ជាច្រើននៅអឺរ៉ុប។ការមកដល់របស់ Ramos ក៏បានកើតមានឡើងស្របពេលខ្សែប្រយុទ្ធកំនត់ត្រាថ្លៃបំផុតរបស់ក្លឹបគឺ Neymar បានប្រាប់ប្រធាន PSG ថាខ្លួនចង់ចាកចេញពីទឹកដី Parc Des Princes ព្រមជាមួយការនៅជាប់គាំងបន្តកុងត្រាថ្មីរបស់ខ្សែប្រយុទ្ធជួរមុខ Kylian Mbappe ដែលផុត កំណត់នៅរដូវក្តៅឆ្នាំក្រោយ ហើយចង់ចូលរួមជាមួយ Real Madrid នោះ។
Ramos បានក្លាយជាសមិជិកទី៩នៃក្រុមជើងឯក ក្លឹប Ligue ១ រដូវកាលនេះ ខណៈPSG និងសិក្សាពីសមត្ថភាព ព្រមទាំងគុណភាពដែលរូបគេនិង បង្ហាញខ្លួនអោយក្លឹបជាមួយជម្រើសទិញផ្តាច់ជាអចិន្រ្តៃយ៍ស្រដៀងទៅនឹងកិច្ចព្រមព្រៀងដែលពួកគេបញ្ចប់ការផ្ទេរ Mbappe ពី Monaco ក្នុងឆ្នាំ ២០១៧ ។
ប្រភព:BBC
វីដេអូ: Portugal vs Switzerland
វីដេអូ: ជំនាញ Goncalo Ramos
