(ទីក្រុងប៉ារីស )៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានឲ្យដឹងថា ក្លឹបយក្សបារាំង Paris Saint-Germain បានចុះហត្ថលេខាផ្លូវការនាំយកខ្សែប្រយុទ្ធដ៏ឆ្នើម Ousmane Dembélé ពីក្លឹបអ្នកមានបុណ្យ ​Barcelona ក្នុងតម្លៃផ្ទេរ ៥០លានអឺរ៉ូ ដែលសាមីខ្លួនបានយល់ព្រមលើកិច្ចសន្យាកុងត្រានេះ រយៈពេល ៥ឆ្នាំ ជាមួយ PSG រហូតដល់ឆ្នាំ ២០២៨ ខណៈពេលនេះ Dembélé កំពុងស្ថិតនៅទីក្រុងប៉ារីស ដើម្បីត្រៀមខ្លួនពិនិត្យសុខភាពនៅថ្ងៃសុក្រនេះ។ គួរបញ្ជាក់ផងដែរថា ក្លឹប PSG នឹងប្រកាសបង្ហាញកីឡាកររូបនេះជាផ្លូវការនៅយប់ថ្ងៃអាទិត្យខាងមុខ៕