អតីតខ្សែបម្រើក្លឹបបិសាចក្រហម Man. United កីឡាករ Jesse Lingard ត្រូវបានហាមប្រាមមិនអោយបើកបររថយន្តក្រោយពីរូបគេមានចេតនាមិនបានបញ្ចេញឈ្មោះអ្នកបើកបររថយន្តរបស់គាត់ពេលប្រើប្រាស់ល្បឿនលឿនហួសពីច្បាប់ចរាចរណ៍អង់គ្លេសបានកំនត់។
ទោះយ៉ាងណាកីឡាករអន្តរជាតិអង់គ្លេសដែលកិច្ចសន្យារបស់ខ្លួនបានឈានដល់ទីបញ្ចប់កាលពីខែមិថុនាជាមួយក្រុម Nottingham Forest បានបានសារភាពកំហុសនៅតុលាការ Manchester Magistrates ។ ប៉ុន្តែតុលាការបានបញ្ជាក់ប្រាប់ថា Lingard មិនបានបើកបររថយន្ត Range Rover របស់គាត់កំលុងពេលហតុការណ៏នេះបានកើតមានឡើងក្នុងខែសីហា ឆ្នាំ ២០២២ ហើយបានខកខានផ្តល់ព័ត៌មានលម្អិតដែលបានស្នើឡើង ដោយប៉ូលីសនៅក្នុងតំបន់។
ទីបំផុតកីឡាករវ័យ ៣០ ឆ្នាំដែលធ្លាប់លេងលក្ខណ្ឌខ្ចីជើងនៅ West Ham រូបនេះត្រូវបានពិន័យជាប្រាក់ ៩០០ផោន និងត្រូវបានហាមឃាត់មិនឱ្យបើក បររយៈពេលប្រាំមួយខែផងដែរ។មេធាវីរបស់ Lingard លោក Frank Rogers បាននិយាយថា: សំបុត្រដែលស្នើសុំព័ត៌មាន លម្អិតរបស់ អ្នកបើកបរត្រូវបានផ្ញើទៅកាន់អាស័យដ្ឋានរបស់កីឡាករនៅ Greater Manchester នៅពេលដែលគាត់បានផ្លាស់ទៅជួលកន្លែងស្នាក់នៅក្នុងទីក្រុង Nottingham ប៉ុន្តែគាត់( Lingard មិនបានបំពេញពត៌មានគ្រប់ជ្រង់ជ្រោយនោះទ។ទីបំផុត Lingard មិនបានធ្វើអត្ថាធិប្បាយនៅពេលគាត់ចាកចេញពីតុលាការក៏ព្រោះតែបច្ចុប្បន្នអតីតយុវជនក្លឹប Man.Utd កំពុងសម្លឹងបន្តលេងអោយក្លឹបថ្មីក្នុងអាជីព។
ប្រភព:BBC
វីដេអូ Lingard ជាមួយ Man.Utd
វីដេអូ Lingard ជាមួយ West Ham
Thomas Partey អតីតខ្សែបម្រើ-ការពារក្រុមកាំភ្លើងធំ Arsenal ទីបំផុតបានបង្ហាញខ្លួននៅតុលាការក្រោយរងបទចោទប្រកាន់ពីបទល្មើសរំលោភផ្លូវភេទសរុបចំនួន 6ករណី ។បុរសវ័យ 32 ឆ្នាំរូបនេះត្រូវបានដាក់អោយនៅក្រៅឃុំដើម្បីបង្ហាញខ្លួននៅ Old Bailey នាទីក្រុងឡុងដ៏សម្រាប់ការកាត់ទោសនៅចុងឆ្នាំនេះ ជុំវិញការចោទប្រកាន់ពីបទរំលោភសេពសន្ថវៈ និងការរំលោភបំពានផ្លូវភេទ។ ក្នុងអំឡុងពេលសវនាការកាលពីថ្ងៃអង្គារនៅតុលាការ Westminster ចៅក្រមគាត់បាននិយាយចោតប្រកាន់ Partey ពីបទរំលោភសេពសន្ថវៈលើស្ត្រី៣រូបផ្សេងគ្នា ខណៈបទល្មើសបានកើតឡើងនៅឆ្នាំចន្លោះឆ្នាំ 2021 និង 2022 តែប្រភពមិនបានបញ្ជាក់ពីទីកន្លែងបង្កហេតុ ពោលគឺនៅពេលដែលគាត់ជាកីឡាកររបស់ Arsenal នៅឡើយ។អត្ថបទកំពុងចាប់អារម្មណ៍៖ ធ្ងន់ករមែនទែន! អតីតខ្សែការពារ Arsenal រងបទចោទលើការរំលោភសេពសន្ធវៈ ៦ករណី សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស មេធាវីរបស់ Partey គឺ Jenny Wiltshire ធ្លាប់បាននិយាយថាគាត់ បដិសេធការចោទប្រកាន់ទាំងអស់ប្រឆាំងនឹងកូនក្តីរបស់គាត់និងត្រៀមតវ៉ាតាមផ្លូវច្ចាប់។ទោះយ៉ាងណាលក្ខណ្ឌនៅក្រៅឃុំរបស់កីឡាករអន្តរជាតិហ្គាណាគឺ គាត់មិនអាចទាក់ទងស្ត្រីទាំងបីនាក់ណាមួយបានទេ ហើយត្រូវជូនដំណឹងដល់ប៉ូលិសអំពីការផ្លាស់ប្តូរអាសយដ្ឋានជាអចិន្ត្រៃយ៍ ឬការធ្វើដំណើរទៅក្រៅប្រទេស។កីឡាករបាល់ទាត់រូបនេះត្រូវបានគេរាយការណ៍ថាកំពុងត្រៀមខ្លួនចូលរួមជាមួយក្រុមអេស្ប៉ាញ Villarreal ក្នុងកិច្ចសន្យារយៈពេលមួយឆ្នាំជាមួយនឹងលទ្ធភាពនៃការបន្តរយៈពេល 12 ខែបន្ថែមទៀតក្រោយArsenalមិនបន្តកុងត្រាថ្មីអោយ។ ប្រភព:BBC
