(បរទេស)៖ បើយោងតាមអ្នកកាសែតម៉ារ៉ុក Izem Anass បានរាយការណ៍មកថា ក្លឹបបិសាចក្រហម Manchester United កំពុងតែឈានដល់ការចុះហត្ថលេខាផ្លូវការលើខ្សែបម្រើឆ្នើមក្លឹបនៅអ៊ីតាលី Fiorentina គឺកីឡាករ Sofyan Amrabat សញ្ជាតិម៉ារ៉ុក ដោយក្លឹបបិសាចក្រហមត្រូវចំណាយទឹកប្រាក់ប្រមាណជា ៣៥លានអឺរ៉ូ ឬស្មើនិង ៣៩លានដុល្លារ ខណៈតម្លៃធ្លាក់ចុះនេះនៅពេលដែលសាមីខ្លួនបានប្រាប់ថាចង់ចាកចេញពីក្លឹបនៅលីគ Serie A។ គួរបញ្ជាក់ផងដែរថា Amrabat បានក្លាយជាកីឡាករដ៏សំខាន់ សម្រាប់ប្រទេសម៉ារ៉ុកក្នុងព្រឹត្តិការណ៍ World Cup នៅប្រទេសកាតា ដែលបានឈានដល់វគ្គពាក់កណ្តាលផ្តាច់ព្រ័ត្រ ហើយ Amrabat បានបង្ហាញខ្លួនចំនួន ១០៧លើកសម្រាប់ក្លឹប Serie A ចាប់តាំងពីចូលរួមនៅក្នុងឆ្នាំ ២០២០៕