(អង់គ្លេស)៖ បើតាមរបាយការណ៍ថ្មីៗនេះ បានឲ្យដឹងថា ក្លឹបបិសាចក្រហ​ម Manchester United បានសម្រេចដាក់តម្លៃឲ្យក្លឹបដទៃដេញថ្លៃ ចាប់ពី ២០លានអឺរ៉ូ ឡើងទៅ លើកីឡាករ Harry Maguire បន្ទាប់ពីខ្សែការពារសញ្ជាតិអង់គ្លេសរូបនេះ ត្រូវបានក្លឹបបិសាចក្រហមដកចេញពីតំណែងប្រធានក្រុម ក្រោមការដឹកនាំរបស់គ្រូបង្វឹកលោក Erik ten Hag។ របាយការណ៍ថ្មីមួយផ្សេងទៀតពីកាសែត Daily Mail បានអះអាងថា Maguire ចង់បន្តស្នាក់នៅ Old Trafford ហើយ Man Utd នឹងមិនបង្ខំគាត់ឲ្យចេញពីក្លឹបនោះទេ។ ទោះបីជាយ៉ាងណាក៏ដោយ Maguire ទំនងជាត្រូវកាត់បន្ថយប្រាក់ខែខ្លួនយ៉ាងច្រើន ខណៈដែលបច្ចុប្បន្នគាត់រកបាន ២០០,០០០ផោន ក្នុងមួយសប្តាហ៍ ប្រសិនបើ Man Utd ឲ្យគាត់ចាកចេញ ក្លឹបនឹងសន្សំបានប្រហែល ២០លានផោន ស្របពេល Maguire នៅសល់កិច្ចសន្យាកុងត្រារយៈពេល ២ឆ្នាំ ជាមួយបិសាចក្រហម៕