បរទេស៖ ប្រធានក្លឹបអ្នកមានបុណ្យ FC Barcelona បានបញ្ជាក់ថា រូបលោកនៅមិនទាន់ច្បាស់អំពីថ្ងៃអនាគតថា តើក្លឹបនឹងអាចចុះកុងត្រាអតីតខ្សែប្រយុទ្ធឆ្នើមរបស់ខ្លួនគឺ Lionel Messi មកកាន់ទឹកដី Camp Nou វិញម្តងទៀតឡើយ។
គួររំលឹកផងដែលថា ខ្សែប្រយុទ្ធឆ្នើមរូបនេះបានសម្រេចចិត្តជ្រើសរើសការផ្ទេរទៅកាន់ក្លឹប Inter Miami នៅរដូវក្តៅនេះ ជំនួសការផ្ទេរទៅកាន់ក្លឹប Barcelona ក្រោមមូលហេតុក្លឹបមិនមានផែនការច្បាស់លាសឲ្យខ្លួន ដោយរូបគេមិនឲ្យក្លឹបមិនបើកប្រាក់ខែឲ្យកីឡាករផ្សេងៗដើម្បីតែខ្លួនម្នាក់ឯង។ យ៉ាងណាមិញអនាគតរបស់ខ្លួននៅស្ថិតជាចម្ងល់សម្រាប់អ្នកគាំទ្របាល់ទាត់ទាំងអស់ជាពិសេសក្លឹប Barcelona ដោយពួកគេមានក្តីស្រមៃចង់ឃើញខ្សែប្រយុទ្ធរូបនេះវិលត្រលប់ទៅកាន់ Barcelona វិញថ្ងៃណាមួយ។
ទោះយ៉ាងលោក Laporta ដែលជាប្រធានក្លឹប Barcelona បានចេញមកបញ្ជាក់ជុំវិញរឿងទាំងអស់ផងដែលដោយលោកបាននិយាយ៖ «Messi នឹងលេងឱ្យ Barca វិញថ្ងៃណាមួយ? ឥឡូវនេះវាកាន់តែពិបាកខ្លាំង ដូច្នេះអ្នកគួរតែសួរ Leo វិញ យើងទាំងអស់គ្នាចង់ធ្វើវាណាស់ ប៉ុន្តែមិនអាចទៅរួចទេ។ គាត់នៅតែមានទម្រង់លេងល្អ ប៉ុន្តែខ្ញុំមិនអាចនិយាយថាគាត់នឹងវិលត្រលប់មកលេងឲ្យ Barcelona វិញ»។
