(បរទេស)៖ បើតាមការអះអាងរបស់អ្នកសារព័ត៌មានលើការផ្ទេរកីឡាករ​ដ៏ល្បីឈ្មោះលោក Fabrizio Romano បានឲ្យដឹងថា លោក Erik ten Hag ដែលជាអ្នកចាត់ការទូទៅរបស់ក្លឹបបិសាចក្រហម Manchester United កំពុងតែបើកភ្លើងខៀវក្នុងការចុះហត្ថលេខាលើខ្សែការពារកណ្តាលដ៏លេចធ្លោម្នាក់របស់ក្លឹប Monaco គឺកីឡាករ Axel Disasi មានវ័យ ២៥ឆ្នាំ សញ្ជាតិបារាំង ដែលកីឡាកររូបនេះក៏កំពុងត្រូវបានក្លឹប Newcastle United តាមប្រមាញ់ផងដែរ។ លោកគ្រូ Ten Hag បានពិភាក្សាយល់ព្រមជាមួយភាគីកីឡាករផ្ទាល់ខ្លួនហើយ នៅឡើយតែការចរចារជាមួយក្លឹប Monaco តែប៉ុណ្ណោះ។

លើសពីនេះទៅទៀតលោកគ្រូ Ten Hag បាននិយាយសរសើរពីសមត្ថភាពដ៏លេចធ្លោនិងមានទេពកោសល្យរបស់ Disasi ហើយគាត់បានបន្ថែមទៀតថា «ខ្ញុំនឹងរក្សាកីឡាកររូបនេះនៅបញ្ជីការបញ្ជាទិញរបស់ខ្ញុំ ព្រោះខ្ញុំចូលចិត្តនូវសមត្ថភាពរបស់កីឡាករម្នាក់នេះជាខ្លាំង»៕