Harry Maguire ​បាន​បង្កើន​ការ​ហ្វឹកហាត់​ផ្ទាល់ខ្លួនខ្លួនទ្វេរដង​ខណៈ​ដែល​ខ្សែការពារកណ្តាលរូបនេះបានចង់បង្ហាញពីការ​ព្យាយាមតស៊ូ​ប្រយុទ្ធ​ដើម្បីកៅអី​ជម្រើស១១នាក់ដំបូងរបស់​ខ្លួន​ក្នុង​ក្រុមបិសាចក្រហម Man. United ឡើងវិញ។ទោះយ៉ាងណាគេហទំព័រ Daily Mail បានចុះផ្សាយថាៈ កីឡាករវ័យ ៣០ ឆ្នាំរូបនេះបានធ្វើការរហ្វឹកហាត់រហូតដល់បីវគ្គក្នុងមួយថ្ងៃ។ និងជាការ​ហ្វឹកហាត់ដ័តានតឹងអស់រយៈពេលជិត ៣ សប្តាហ៍កន្លងមកនេះមុនពេលគាត់ចូលរួមជាមួយបុគ្គលិករបស់ក្លឹប Man.Utd និងមិត្តរួមក្រុមសម្រាប់ការ​ហ្វឹកហា​ត់​មុន​បើករដូវកាលថ្មី។

គួរកត់សម្គាល់ថាកាពីតែនក្រុមMan.Utd រូបនេះ បានបង្ហាញខ្លួនទៀងទាត់មុនពេលការមកដល់របស់អ្នកចាត់ការសញ្ជាតិហូឡង់លោក Erik ten Hag កាលពីរដូវ​ក្តៅមុន។ ទោះយ៉ាងណាក៏ដោយការមកដល់របស់ Lisandro Martinez រឹតតែធ្វើអោយកីឡាករដែល​មានកំនត់ត្រាថ្លៃបំផុត​របស់​ពិភព​លោកម្នាក់​នេះធ្លាក់ចេញពីការពេញចិត្តពោលគឺដោយបង្ហាញតែពីរបីដងប៉ុណ្ណោះ​នៅ​គ្រប់ការប្រកួតទាំងអស់កាលពីរដូវកាលមុន ស្របពេល Bruno Fernandez បានដើរតួនាទីជាប្រធានក្រុមរាល់ពេលអវត្តមាន Maguire។


គួររំលឹកផងដែរថា Maguire បានដើរតួនាទីជាប្រធានក្រុម Man Utd អស់រយៈពេលជាង ២ ឆ្នាំមកហើយ និង​ត្រូវបានតែងតាំងឱ្យកាន់​តួនាទីក្នុង​ខែមករា ឆ្នាំ ២០២០ ដោយអតីតគ្រូបង្វឹក Ole Gunnar Solskajer ពោលគឺក្រោយកាន់តួនាទីដឹកនាំជាប្រធានក្រុមបណ្តោះអាសន្នចំនួន ១២ដ​ង​រួចមក។
ប្រភព:sportsbrief