បរទេស៖ Lionel Messi ធ្លាប់បានបង្ហាញការកោតសរសើរនូវទេពកោសល្យរបស់ខ្សែបម្រើចំណូលថ្មីរបស់ក្លឹបបិសាចក្រហម Manchester United កីឡាករ Mason Mount ក្រោយរូបគេបញ្ចប់ការផ្ទេរទៅកាន់ទឹកដី Old Trafford ។ ក្លឹប Man Utd បានបញ្ចប់ការផ្ទេរយកខ្សែបម្រើឆ្នើមវ័យ២៤ឆ្នាំរូបនេះក្នុងតម្លៃ៥៥លានផោន បូករួមប្រាក់រង្វាន់៥លានផោនបន្ថែមទៀតកាលពីសប្តាហ៍មុន។
Mount នឹងចុះកុងត្រារយៈពេល៥ឆ្នាំជាមួយនឹងក្លឹប Man Utd ក្រោយរដូវកាលនេះហាក់បីពុំសូវទទួលបានឱកាសបង្ហាញខ្លួននៅក្លឹប Chelsea។ ខ្សែប្រយុទ្ធជនជាតិអង់គ្លេសរូបនេះបានប្រទះឃើញនៅឯកន្លែងហ្វឹកហាត់របសក្លឹប Man Utd កាលពីម្សិលមិញ ហើយត្រូវបានក្លឹប Man Utd ប្រកាសអំពីការមកដល់របស់គេជាផ្លូវការណ៍នាពេលឆាប់ៗខាងមុខនេះផងដែរ។ យ៉ាងណាមិញ Mason គឺមានបទពោធន៍ជោគជាំផងដែរ ក្រោយបានបង្ហាញខ្លួនសរុបចំនួន ១២៩លើ នៅ Premier league ដោយអាចរកបាន ២៧គ្រាប់ និងបញ្ជូនបាល់ឲ្យមិត្តរួមក្រុមសរុប ២៤ដងផងដែរ។
ប៉ុន្តែមិនមែនតែគ្រូបង្វឹកលោក Erik Ten Hag ឡើយដែលមើលឃើញទេពកោសល្យដ៏កម្ររបស់ខ្សែប្រយុទ្ធឆ្នើមរូបនេះ សម្បីតែកីឡាករឆ្នើម Lionel Messi ក៏ធ្លាប់អះអាងថា Mount នឹងក្លាយជាកីឡាករដ៏ល្អបំផុតម្នាក់ផងដែរ។ និយាយក្នុងកិច្ចសម្ភាហ៍កាលពីឆ្នាំ២០២០ Messi ត្រូវបានគេសាកសួរឲ្យជ្រើសរើសនូវក្រុមមួយដែលពោលពេញទៅដោយកីឡាករក្មេងដ៏មានទេពកោសល្យ។ ខណៈម្ចាស់ Ballon d’Or 7សម័យកាលបានជ្រើសរើសយក Mount ក្នុងបញ្ចីរបស់គាត់ ដោយនិយាយថា៖ «ខ្ញុំធ្លាប់មើលការលេងរបស់គាត់ គាត់មានទេពកោសល្យក្នុងការក្លាយជាកីឡាករល្អជាងគេម្នាក់»។
