ជាជំនួបដ៏ធំមួយនៅលីកកំពូលអេស្បាញនៅចុងសប្តាហ៍នេះរវាងក្លឹបធំ២គឺ Barcelona និងត្រូវបើកទ្វារកីឡាដ្ឋាណ Camp Nou វេលាម៉ោង ៩ និង ១៥នាទីយប់ថ្ងៃអាទិត្យ ទទួលស្វាគមន៍ Atletico Madrid ក្នុងក្របខ័ណ្ឌ La Liga ។
Barcelona បច្ចុប្បន្នមានគម្លាតត្រឺមតែ៨ពិន្ទុពី Real Madrid បន្ទាប់ពីពួកគេផ្តួល Celta Vigo កាលពីថ្ងៃសៅរ៏ ខណៈAt. Madrid ឈរនៅលេខរៀងទី៣មានគម្លាត១៥ពិន្ទុ ខណៈការប្រកួតនេះគឺនៅសប្តាហ៏ទី២៩ដូចគ្នា។
Barcelona មានកំណត់ត្រាក្នុងផ្ទះល្អបំផុតនៅ La Liga រដូវកាលនេះ ដោយទទួលបាន 36 ពិន្ទុពីការប្រកួត ១៤ លើករបស់ពួកគេ ប៉ុន្តែ Atletico មានភាពរឹងមាំសម្រាប់ការប្រកួតក្រៅដី ដោយប្រមូលបាន ៣០ ពិន្ទុពី ១៤ ប្រកួត។
ក្រុមទាំងពីរបានឈ្នះពីរដងដូចគ្នាក្នុងការជួបគ្នាប្រាំលើកចុងក្រោយក្នុងក្របខ័ណ្ឌកំពូលរបស់ប្រទេសអេស្ប៉ាញ ខណៈការប្រកួតចុងក្រោយBarcelona បានកត់ត្រាជ័យជម្នះ ១-0 នៅ Wanda Metropolitano ក្នុងខែមករា ២០២៣។
១.៦ប្រកួតចុងក្រោយរបស់Barcelona នៅ La Liga គឺឈ្នះ៤ស្មើ២ ខណៈ At.Madridឈ្នះ៦
២.ជម្រើស១១នាក់ដំបូងអាចនិងចូលលេងសម្រាប់ Barcelona
Ter Stegen; Kounde, Araujo, Alonso, Balde; Kessie, Busquets, Gavi; Raphinha, Lewandowski, Fati
(ទម្រង់លេងអាចនិងយកមកប្រើប្រាស់៤:៣:៣)
៣.ជម្រើស១១នាក់ដំបូងអាចនិងចូលលេងសម្រាប់ At.Madrid
Oblak; Hermoso, Savic, Gimenez; Molina, De Paul, Barrios, Koke, Carrasco; Morata, Griezmann
(ទម្រង់លេងអាចនិងយកមកប្រើប្រាស់៣:៥:២)
៤.លទ្ធផលទស្សន៍ទាយសម្រាប់គូនេះគឺ Barcelona ២:២ At.Madrid
ប្រភព: Sportsmole & Whoscored
