Riyad Mahrez បានក្លាយជាកីឡាករតែម្នាក់គត់ដែលធ្វើបានHat-trick (៣គ្រាប់)ខណៈ Man.City បានផ្តួលគូប្រជែងមកពីក្របខណ្ឌ Champion shipគឺ Sheffield Utd ក្នុងលទ្ធផល ៣ទល់និង០ សម្រាប់ការប្រកួតកាលពីថ្ងៃសៅរ៏ ទី២២ មេសា ២០២៣ នៅកីឡដ្ឋាន Wembley។ការប្រកួតដំបូងនៅតង់ទី១មានភាពតានតឹង រវាងក្រុមទាំងពីរដែលមានឪកាសវាយសម្រុកដូចគ្នា ទោះយ៉ាងណានៅនាទីទី៤៣មុនបញ្ចប់តង់ទី១ខ្សែបម្រើអន្តរជាតិអាល់ហ្សេរីមានឪកាសវាយបំបែកពងមាន់ដោយរកគ្រាប់បាល់ពិន័យ១១ម៉ែត្រនៅនាទីទី៤៣មុន បញ្ចប់ការប្រកួតតង់ទី១។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័សMahrez ដដែលបានបន្តរកបានគ្រាប់បាល់នៅតង់ទី២ដោយអូសបាល់ជិតពាក់កណ្តាលតារាងសំដៅស៊ុតបញ្ចូលទីដោយខ្លួនឯងនៅនាទីទី៦១។ ខ្សែបម្រើវ័យ៣២ឆ្នាំរូបនេះមានឪកាសរកបានគ្រាប់បាល់ទី៣យ៉ាងល្អបន្ថែមទៀត ក្រោយពីខ្សែបម្រើ Jack Grealish បញ្ចូនបាល់ពីស្លាបខាងឆ្វេងចូលមកតំបន់កណ្តាល។
លទ្ធផលនេះបានធ្វើអោយក្រុមលោក Pep Guardiola កក់កៅអីវគ្គផ្តាច់ព្រ័ត្រ ដោយរង់ចាំមើលលទ្ធផលរវាង Man.Utd និងត្រូវជួបប្រកួត ជាមួយ Brighton នៅរាត្រីថ្ងៃអាទិត្យនេះ។
ប្រភព:Sportsmole
វីដេអូ:
