បរទេស៖ ខ្សែការពាររបស់ក្លឹប Manchester City កីឡាករ Nathan Ake បានទទួលរងបញ្ហារបួសកជើង ដោយត្រូវបានលោក Pep Guardiola. សម្រេចចិត្តធ្វើការផ្លាស់ប្តូរគេចេញភ្លាមៗ អំឡុងការប្រកួតទល់នឹងក្រុម FC Bayern Munich ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

៨ ថ្ងៃក្រោយបានយកឈ្នះលើ Bayern 3-0 នៅជើងទីមួយ កាលពីសប្តាហ៍មុន កាលពីយប់មិញនេះ Man City អាចទប់បានត្រឹមស្មើ 1-1 ដែលធ្វើឲ្យពួកគេអាចកក់កៅអីទៅលេងនៅវគ្គពាក់កណ្តាល់ផ្តាច់ព្រ័ត្របានដោយជោគជ័យ ។ យ៉ាងណាមិញ Man City នៅតែប្រឈមនឹងបញ្ហាចំបងមួយផ្សេងទៀតដោយខ្សែការពារ Nathan Ake កំពុងស្ថិតក្នុងភាពមិនច្បាស់លាស់ពេលដែលក្រុមត្រូវប៉ះ Sheffield United នៅវគ្គ 1/4 ពានរង្វាន់ FA Cup និងការប្រកួតសំខាន់មួយគឺប៉ះក្រុមកំពូលតារាង Arsenal នៅថ្ងៃពុធសប្តាហ៍ក្រោយនេះ ។