(ម៉ូនិច)៖ ខ្សែប្រយុទ្ធ Eric Maxim Choupo-Moting របស់ក្លិប Bayern Munich នឹងអវត្តមានក្នុងការប្រកួតជើងដំបូង វគ្គ៨ក្រុមចុងក្រោយ ក្របខណ្ឌ Champions League នៃក្រុមរបស់លោក ទល់នឹងក្រុម Manchester City នៅយប់ថ្ងៃអង្គារ ដោយសារតែបញ្ហារបួសជង្គង់, នេះបើតាមក្លិបនាំមុខគេ នៅលីគ Bundesliga ហើយត្រូវបានចុះផ្សាយ ដោយសារព័ត៌មាន CNA នៅថ្ងៃទី១១ ខែមេសា ឆ្នាំ២០២៣។
កីឡាករ Choupo-Moting ដែលកំពុងស្ថិតនៅរដូវកាលទី៣ ជាមួយក្លិប Bayern បន្ទាប់ពីលេងឲ្យក្លិប Paris St Germain និង Stoke City នោះ, គឺជាកីឡាកររកគ្រាប់បាល់ បានលំដាប់កំពូលរបស់ក្លិប ក្នុងរដូវកាលនេះ ជាមួយនឹងគ្រាប់បាល់ ១៧គ្រាប់ក្នុងគ្រប់ការប្រកួតទាំងអស់។
កីឡាករវ័យ៣៤ឆ្នាំរូបនេះ ក៏បានខកខានផងដែរ ចំពោះការប្រកួតឈ្នះក្នុងលីគ ១-០ របស់ក្លិប Bayern លើក្រុម Freiburg កាលពីថ្ងៃសៅរ៍។
«Eric Maxim Choupo-Moting នឹងមិនធ្វើដំណើរទៅជួប Manchester នោះទេ»នេះបើតាម Bayern បានឲ្យដឹងក្នុងសេចក្តីថ្លែងការណ៍, «ខ្សែប្រយុទ្ធរូបនេះ មិនអាចចូលរួមបាន ដោយសារបញ្ហាជង្គង់»។
ក្លិប Bayern ក៏បានឲ្យដឹងដែរថា ខ្សែការពារ Lucas Hernandez ដែលមិនបានលេង ចាប់តាំងពីរងរបួសជង្គង់ ក្នុងការប្រកួត World Cup កាលពីឆ្នាំមុន នៅប្រទេសកាតានោះ, បានវិលត្រឡប់ចូលហ្វឹកហាត់វិញហើយ៕
បរទេសៈ ក្លឹបបាល់ទាត់ Arsenal បានលើកនូវក្តីបារម្ភរបស់ខ្លួនអំពីភាពអយុត្តិធម៍ក្នុងច្បាប់ថ្មីរបស់ Champions League, ជាពិសេសស្ថិតនៅវគ្គដែលតម្រូវឲ្យក្រុមលេងនៅក្នុងផ្ទះនៅវគ្គ knockout ។អត្ថបទកំពុងចាប់អារម្មណ៍៖ Man Utd កំពុងរៀបចំផែនការអភិវឌ្ឃន៍យុវជនឆ្នើមម្នាក់ ដូចជំនាន់ Paul Pogba សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស តើអ្វីជាបញ្ហាចោទ សម្រាប់ក្រុម Arsenal ? Arsenal បានបញ្ចប់នូវលេខរៀងល្អជាងក្រុម Real Madrid នៅក្នុងវគ្គ Group Stage ប៉ុន្តែស្ថិតក្នុងវគ្គ Quarter-Final ពួកគេតម្រូវឲ្យលេង ជើងទី២ ក្រៅដីស្ថិតនៅ Madrid ( ជើងទី១ក្នុងផ្ទះ – ជើងទី២ក្រៅផ្ទះ) រឿងដដែលនេះបានកើតឡើងសារជាថ្មីម្តងទៀត ក្នុងវគ្គពាក់កណ្តាលផ្តាច់ព្រ័ត្រទល់ PSG ( ជើងទី១ក្នុងផ្ទះ – ជើងទី២ក្រៅផ្ទះ) Arsenal គិតថា វាជារឿងអយុតិ្តធម៍ ដោយសារតែពួកគេស្ថិតលេងរៀងល្អជាងក្រុមទាំង២នេះនៅវគ្គ Group Stage […]
