បន្ទាប់ពី Vinicius Jr មានឪកាសរកគ្រាប់បាល់នាំមុខមុន១គ្រាប់នៅតង់ទី១រួចមក ខ្សែប្រយុទ្ធជើងចាស់Karim Benzema មានឪកាសរកគ្រាប់បាល់៣គ្រាប់ នៅតង់ទីពីរ ជួយអោយ Real Madrid ផ្តួល Barcelona ៤ទល់និង០។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
លទ្ធផលការប្រកួតជើងទីពីរកាលពីរាត្រីថ្ងៃអង្គារនេះបានជួយអោយក្រុមអធិរាជសឡើង ទៅវគ្គផ្តាច់ព្រ័ត្រ Copa del Rey បន្ទាប់ពីពួកគេត្រូវក្លឹបយក្សកាតាឡាន់នាំមុខការប្រកួតជើងទី១ក្នុងលទ្ធផល១ទល់និង០។ ។ ក្រុមលោក Carlo Ancelotti នឹងត្រូវជួបជាមួយ Osasuna ដើម្បីប្រជែងជើងឯកពានធំទីពីររបស់អេស្បាញនៅវគ្គផ្តាច់ព្រ័ត្រនាថ្ងៃទី ៦ ខែឧសភា ២០២៣ខាងមុខនេះ។គួររំលឹកថាវាជាគ្រាប់បាល់ស៊ុតបញ្ចូលទី Hat-Trick លើកទីពីររបស់ Benzema ក្នុងការប្រកួត២ក្របខណ្ឌផ្សេងគ្នាក្រោយធ្វើបានHat-Trick លើកទី១ កាលពីថ្ងៃអាទិត្យពេលផ្តួល Real Valladolid នៅក្របខណ្ឌ La Liga ក្នុងលទ្ធផល៦ទល់និង០ ខណៈខ្សែប្រយុទ្ធជើងចាស់បារាំងរូបនេះបានប្រើពេលត្រឹមតែ៧នាទី ប៉ុណ្ណោះនៅលើកទី១នោះ។
ប្រភព:BBC
វីដេអូ:
