ម៉ាឡេសុី: ពេលនេះ ប្រតិភូដង្ហែរព្រះអគ្គីជ័យកីឡា និងភ្លើងគប់កីឡាស៊ីហ្គេម-អាស៊ានប៉ាហ្គេម ឆ្នាំ២០២៣ បានធ្វើដំណើរដល់ទីក្រុងគូឡាឡាំពួរ ប្រទេសម៉ាឡេស៊ីហើយ នៅយប់ថ្ងៃទី០៥ ខែមេសានេះ ក្រោមការដឹកនាំរបស់ឯកឧត្តម ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស CAMSOC ដោយទទួលបានការស្វាគមន៍ផ្ទាល់ពីឯកឧត្តម អ៊ុក ចាន់ដារ៉ា ឯកអគ្គរាជទូតកម្ពុជាប្រចាំប្រទេសម៉ាឡេស៊ី រួមជាមួយមន្ត្រីជាន់ខ្ពស់គណៈកម្មាធិការជាតិអូឡាំពិកម៉ាឡេស៊ី អមដោយម៉ូរ៉ែន ដើម្បីនាំយកព្រះអគ្គិជ័យកីឡា ទៅតម្កល់ទុកនៅស្ថានទូតកម្ពុជា នាទីក្រុងគូឡាឡាំពួរ ។ ពិធីដង្ហែនៅម៉ាឡេស៊ី គ្រោងនឹងធ្វើឡើងនាថ្ងៃទី១១ ខែមេសា ក្រោយទទួលបានជោគជ័យជាបន្ដបន្ទាប់ ក្នុងពិធីដង្ហែនៅប្រទេសវៀតណាម ហ្វីលីពីន ឥណ្ឌូនេស៊ី និងទីម័រខាងកើត ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស