រជ្ជកាលដឹកនាំ Bayern Munich របស់ Thomas Tuchel បានចាប់ផ្តើមយ៉ាងល្អក្រោយផ្តួលគូប្រជែងនាំមុខតារាង Dortmund ក្នុងលទ្ធផល ៤ទល់និង២សម្រាប់ការប្រកួតលីកកំពូលអាឡឺំម៉ង់កាលពីយប់ថ្ងៃសៅរ៏។ក្រុមការពារតំណែងជើងឯកមានឪកាសរកគ្រាប់បាល់បើកឆាកក្រោយពីអ្នកចាំទី GregorKobel មានកំហុសធ្វើអោយគ្រាប់បាល់ចូលទីខ្លួនឯងមុនពេលThomas Mullerរកបាន២គ្រាប់និង Kingsley Comanបន្ថែម១គ្រាប់ចុងក្រោយ។ ទោះយ៉ាងណា Dortmund មានឪកាសវាយបកបាន២គ្រាប់វិញនៅតង់ទី២ ដើម្បីបន្ថយ ស្ថានភាពដែលតានតឹង។
ក្រុមការពារតំណែងជើងឯកឥឡូវនេះបានបន្តកំនត់ត្រា ឈ្នះប្រាំបួនដងជាប់គ្នានៅ Allianz Arena សម្រាប់១០ប្រកួតចុងក្រោយ។ បរាជ័យនេះគឺជាលើកទីមួយរបស់ Dortmund នៅក្នុងលីកខណៈពួកគេត្រៀមប្រកួតជាមួយ RB Leipzig នៅក្របខណ្ឌ DFB-Pokal និង ជួប Union Berlin ក្នុងលីកនៅចុងសប្តាហ៍ក្រោយ។ .Bayern Munich ក៏ស្ថិតក្នុងការប្រកួតGerman Cup នៅពាក់កណ្តាលសប្តាហ៍ផងដែរ ដោយធ្វើជាម្ចាស់ផ្ទះទទួល Freiburg នៅថ្ងៃអង្គារ មុនពេលជួបគ្នាម្តងទៀតនៅFreiburg។