បន្ទាប់​ពី​ការ​ចាកចេញរបស់អតីតគ្រូបង្វឹកលោក Julian Nagelsmann ដ៏គួអោយភ្ញាក់ផ្អើល និងជំនួសមកវិញដោយអតីត​គ្រូបង្វឹក Dortmund លោក Thomas Tuchel បច្ចុប្បន្នក្រុម​ការពារតំណែងជើងឯកកំពុងតាមពីក្រោយក្រុមកំពូលតារាង Dortmund ​មួយ​ពិន្ទុ​ ។ ទោះយ៉ាងណាមុនពេលធ្វើដំណើរទៅកាន់កីឡាដ្ឋាន Allianz Arenaគឺ Dortmund បានឈ្នះការប្រកួតលីកចំនួន ៩ លើកក្នុងចំណោម ១០ ប្រកួតចុងក្រោយ ខណៈក្រុមទាំងពីរនិងត្រូវជួបប្រកួតគ្នានៅវេលាម៉ោង១១:៣០នាទីរាត្រីថ្ងៃសៅរ៏នេះ។

សម្រាប់ Bayern Munich វិញ រកបានមិនតិចជាង៣ គ្រាប់សម្រាប់ការប្រកួតក្នុងផ្ទះ ៦ លើកចុងក្រោយរបស់ពួកគេជាមួយនឹងក្រុម Dortmund គ្រប់ក្របខណ្ឌប្រកួត ខណៈBayern Munich បានឈ្នះ ៧ ប្រកួតក្នុងផ្ទះចុងក្រោយរបស់ពួកគេជាមួយនឹងក្រុម Dortmundគ្រប់ក្របខណ្ឌប្រកួតទាំងអស់ផងដែរ ។

១.៦ប្រកួតចុងក្រោយសម្រាប់ Bayern Munich នៅក្របខណ្ឌ Bundesliga គឺចាញ់២ស្មើ៤ ខណៈ Dortmund ឈ្នះ៥និងស្មើ១។

២.ជម្រើស១១នាក់ដំបូងអាចនិងចូលលេងសម្រាប់ Bayern Munich

Sommer; Pavard, Upamecano, De Ligt; Cancelo, Kimmich, Goretzka, Davies; Sane, Muller; Choupo-Moting

(ទម្រង់លេងអាចនិងដាក់អោយប្រើ ៤–២–៣–១)

៣.ជម្រើស១១នាក់ដំបូងអាចនិងចូលលេងសម្រាប់ Dortmund

Kobel; Wolf, Sule, Schlotterbeck, Ryerson; Bellingham, Can, Guerreiro; Brandt, Haller, Reus

(ទម្រង់លេងអាចនិងដាក់អោយប្រើ៤–១–៤–១)

៤.ការព្យាករណ៍សម្រាប់គូទំាងពីរនេះគឺ Bayern Munich ៣:២ Dortmund ។