អត្ថបទ៖ ការប្រកួតកីឡាបាល់ទឹកមិត្តភាពអន្តរជាតិ រវាងក្រុមជម្រើសជាតិបាល់ទឹកកម្ពុជា និងក្រុមជម្រើសជាតិបាល់ទឹកសិង្ហបុរី ដើម្បីដកស្រងបទពិសោធន៍ វាស់ស្ទង់សម្ថភាពបន្ថែម មុននិងការប្រកួតកីឡាស៊ីហ្គេមឈានមកដល់ ត្រូវបានចាប់ផ្ដើមហើយកាលថ្ងៃទី៣១ ខែមីនា ឆ្នាំ២០២៣ ។

គោលបំណងសំខាន់របស់សហព័ន្ធខ្មែរកីឡាហែលទឹក ដែលបានរៀបចំការប្រកួតមិត្តភាពនេះឡើងគឺដើម្បីឱ្យកីឡាករបាល់ទឹកកម្ពុជាអាចដកស្រង់បទពិសោធន៍ ក៏ដូចជាផ្ដល់លទ្ធភាពឱ្យពួកគាត់បានសាកល្បងបច្ចេកទេស និងវាស់ស្ទង់កម្រិតសមត្ថភាពរបស់ខ្លួន បន្ទាប់ពីបានហ្វឹកហាត់ជាមួយគ្នារយៈពេលជាយូរមកហើយ និងជាឱកាសមួយសម្រាប់កម្ពុជាអាចពង្រឹងសមត្ថភាព កីឡាករ និងគ្រូបង្វឹករបស់ខ្លួនដើម្បីត្រៀមចូលរួមការប្រកួតកីឡាស៊ីហ្គេមឆ្នាំ២០២៣នេះ។ ជាលទ្ធផលនៃការប្រកួត ក្រុមជម្រើសជាតិបាល់ទឹកសិង្ហបុរី បានយកឈ្នះ ក្រុមជម្រើសជាតិបាល់ទឹកកម្ពុជា១៥ទល់នឹង៩។