ព្រឹត្តការណ៏ប្រកួតបាល់ទាត់ពិភពលោកខណៈប្រទេសនៅទ្វីបអាស៊ីគឺកូរ៉េ-ជប៉ុនមានសិទ្ធិធ្វើជាម្ចាស់ផ្ទះរួមគ្នាកាលពីឆ្នាំ២០០២ កន្លងមក គឺនៅមានតែកីឡាករ ៤ នាក់ប៉ុណ្ណោះដែលកំពុងបង្ហាញខ្លួនលេងអោយក្លឹបបាល់ទាត់អាជីពមកដល់សព្វថ្ងៃនេះ។ ទោះយ៉ាងណាគឺអស់រយៈពេល ២១ឆ្នាំកន្លងផុតទៅខណៈប្រេស៊ីលដែលជាម្ចាស់ជើងឯកWorld Cup ក៏បានខកខានលើកពានចាប់តាំងពីពេលនោះមក។
យ៉ាងណាម៉ិញកំពូលខ្សែប្រយុទ្ធ២រូបដែលបានសាងកេរ្ត៏ឈ្មោះល្បីល្បាញជាង២ទសវត្សមកហើយនោះគឺ Lionel Messi និង Cristiano Ronaldo ជាកីឡាករដែលមិនបានចាត់បញ្ចូលនោះទេ។
ខាងក្រោមនេះជាកីឡាករ៤រូបដែលនៅតែបន្តអាជីពបាល់ទាត់ទោះបីមានវ័យជ្រេបន្តិចក៏ដោយ
១.Zlatan Ibrahimovic
Ibrahimovic បានចាប់ផ្តើមអាជីពរបស់គាត់នៅក្លឹបស៊ុយអែត Malmo ក្នុងឆ្នាំ ១៩៩៩ ហើយនៅឆ្នាំ ២០០២ ខ្សែប្រយុទ្ធកំពស់ខ្ពស់បានជាប់ជម្រើសជាតិបន្ទាប់ពីផ្លាស់ទៅចូលរួមជាមួយ Ajax រួចមក។បច្ចុប្បន្នខ្សែប្រយុទ្ធAC.Milan ទោះបីឈានចូលវ័យ៤១ឆ្នាំ ប៉ុន្តែ Zlatan នៅតែអាចលេងអោយក្លឹប ខណៈស៊ុយអ៊ែតបានកោះហៅរូបគេសម្រាប់ការប្រកួតជម្រុះព្រឹត្តការណ៏Euro ២០២៤នៅប្រទសអាឡឺម៉ង់ផងដែរ។
២.Gianlugui Buffon
Buffon បានបង្ហាញខ្លួនអោយក្រុមជម្រើសជាតិអ៊ីតាលីនៅព្រឹត្តិការណ៏World Cup ២០០២ ប៉ុន្តែក្រុមបានធ្លាក់ចេញត្រឹមវគ្គ១៦ក្រុម ក្រោមថ្វើជើង កូរ៉េខាងត្បូង ។បច្ចុប្បន្នទោះបីឈានដល់វ័យ៤៥ឆ្នាំ Buffon កំពុងលេងឱ្យក្លឹបកុមារភាពរបស់គាត់ Parma ក្នុងក្របខ័ណ្ឌ Serie B ។
៣.Joaquin
ជាកីឡាករជើងចាស់ Joaquin ដែលបានជាប់ជម្រើសជាតិនៅព្រឹត្តិការណ៏World Cup ២០០២មានស្ថិតិបង្ហាញខ្លួនបាន៦១២ប្រកួតនៅក្របខណ្ឌ La Liga និងឈានដល់ការបង្កើតកំនត់ត្រាសម្រាប់កីឡាករបង្ហាញខ្លួននៅលីកកំពូលអេស្បាញច្រើនបំផុត ជាមួយក្លឹបចុងក្រោយគឺ Real Betis។
៤.Carlos Kameni
Carlos Kameni អ្នកចាំទីសញ្ជាតិកាមេរូនត្រូវបានក្រុមជម្រើសជាតិដាក់បញ្ចូលក្នុងបញ្ជីឈ្មោះសម្រាប់ព្រឹត្តិការណ៏World Cup ២០០២ ប៉ុន្តែមិនបានបង្ហាញខ្លួនទេ។២១ ឆ្នាំក្រោយមកបច្ចុប្បន្នមានវ័យ៣៩ ឆ្នាំ ប៉ុន្តែKameni នៅតែបន្តអាជីពជាមួយក្លឹប Santa Coloma នៅ ប្រទេស Andorra ។
