បរទេស៖ អតីតខ្សែបម្រើក្រុមជម្រើសជាតិអង់គ្លេស Danny Murphy ថារូបលោកមានអារម្មណ៏ភ្ញាក់ផ្អើលប្រសិន Harry Maguire មិនសម្រេច​ចិត្តចាកចេញពី Man. United នៅរដូវក្តៅនេះទេ។ទោះបីជាកាន់តួនាទីកាពីតែនក្រុម Man. Utd ប៉ុន្តែ Maguire បានបាត់បង់តំណែង​ជម្រើសដំបូងក្នុងក្រុមទៅ Raphael Varane និង Lisandro Martinez នៅរដូវកាលនេះ ។

ជាមួយកង្វះខាតពេលវេលាចូលលេងដូច្នេះហើយទើប Maguire អាចនឹងស្វែងរកក្លឹបថ្មីនៅចុងបញ្ចប់នៃរដូវកាលនេះ ស្របពេលMan.Utd បើកចំហរការលក់កីឡាករវ័យ 30 ឆ្នាំរូបនេះផងដែរ ប្រសិនក្រុមទទួលបានសំណើរសមរម្យ ។ ទោះយ៉ាងណាសាម៉ីខ្លួន Maguire នៅតែ​ជឿជាក់ថាខ្លួនមានតួនាទីដ៏សំខាន់សម្រាប់ពេលវេលានៅសល់ នៃរដូវកាលនេះ ខណៈដែលMan.Utdមានបំណងចង់ឈ្នះពាន FA Cup និង Europa League ក្រោយលើកពាន League Cup រួចមក។