បរទេស៖ អ្នកកាសែតអ៊ីតាលី Gianluca di Marzio បានបង្ហាញពីតម្លៃដែល Manchester United ត្រូវតែចំណាយ ដើម្បីទិញខ្សែប្រយុទ្ធរបស់ Napoli Victor Osimhen ។ Manchester United កំពុងឈរចំណាត់ថ្នាក់លេខ៣ក្នុងក្របខ័ណ្ឌ Premier League ដោយដេញតាមពីលើក្រុមកំពូលតារាង Arsenal ១៩ពិន្ទុ ។ ទោះជាយ៉ាងណាក៏ដោយ Erik ten Hag កំពុងរៀបចំផែនការសម្រាប់រដូវកាលក្រោយរួចហើយ ដោយបុរសសញ្ជាតិហូឡង់រូបនេះចង់បន្ថែមខ្សែប្រយុទ្ធលំដាប់កំពូលមួយរូបទៅក្នុងជួរមុខរបស់គាត់។
ក្នុងចំណោមខ្សែប្រយុទ្ធទាំងអស់ដែលត្រូវបានផ្សារភ្ជាប់ជាមួយនឹងការផ្លាស់ប្តូរទៅកាន់ Old Trafford គឺ Osimhen ជាកីឡាករឈានមុខគេ បន្ទាប់ពីរូបគេបានដើរតួយ៉ាងសំខាន់សម្រាប់ Napoli នៅរដូវកាលនេះ ។ កីឡាករវ័យ 24 ឆ្នាំបច្ចុប្បន្នគឺជាអ្នកស៊ុតបញ្ចូលទីច្រើនជាងគេទីពីរនៅអឺរ៉ុបជាមួយ Harry Kane ដែលត្រូវបានផ្សារភ្ជាប់ជាមួយនឹងការផ្ទេរទៅកាន់បិសាចក្រហមផងដែរ ។
យ៉ាងណាមិញរបាយការណ៍ត្រូវបានគេជឿជាក់ថា តម្លៃខ្លួនរបស់ខ្សែប្រយុទ្ធរូបនេះគឺមានតម្លៃខ្លួនរហូតដល់ទៅ១៣០លានផោន ទៅ១៥០លានផោន នៅទីផ្សារដោះដូរកីឡាករនារដូវក្តៅខាងមុននេះ ប៉ុន្តែយ៉ាងណាវិញក្លឹបបិសាចក្រហមត្រូវបានគេជឿជាក់ថា នឹងមានលទ្ធភាពក្នុងចំណាយ ក៏ព្រោះតែបច្ចុប្បន្នពួកគេកំពុងធ្វើដំណើរការផ្លាស់ប្តូរម្ចាស់ក្លឹបថ្មី ដោយខ្សែរាជវង្សប្រទេសកាតាជាបុគ្គលឈានមុខគេក្នុងការកាន់កាប់ក្លឹប Man utd បន្តពីគ្រួសារត្រកូល Glazer ។
កាសែត Daily Mail រាយការណ៍ថា Manchester United ត្រៀមខ្លួនរួចជាស្រេចដើម្បីបោះបង់គម្រោងរក្សា Old Trafford ប្រសិនបើពួកគេសាងសង់កីឡដ្ឋានថ្មី ។ ឥឡូវនេះពួកគេដឹងថា ការកែប្រែហេដ្ឋារចនាសម្ព័ន្ធ Old Trafford ដោយកាត់បន្ថយកៅអីអង្គុយមកត្រឹម 30,000 ដើម្បីរៀបចំកម្មវិធី Academy និង Women’s វាមានភាពស្មុគស្មាញពេក ហើយទំនងជាមិនដំណើរការ ខណៈកីឡដ្ឋាន Old Trafford នឹងត្រូវវាយចោល ដើម្បីមានទីតាំងសាងសង់កីឡដ្ឋានថ្មី៕អត្ថបទកំពុងចាប់អារម្មណ៍៖ Man Utd ទំនងជាមិនរក្សាកីឡដ្ឋាន Old Trafford ឡើយ ដោយទំនងជាត្រូវកម្ទេច សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
