បរទេស: អតីតខ្សែការពារក្រុមមេឃខៀវ Manchester City លោក Micah Richards បានប្រៀបធៀបទម្រង់លេងរបស់ខ្សែប្រយុទ្ធ Bukayo Saka ទៅនិងវីរបុរសក្រុមកាំភ្លើងធំ Arsenal គឺកីឡាករ Robert Pires តែម្តង។ ​

ក៏ព្រោះតែសមត្ថភាពបណ្តើរបាល់និង​បញ្ចប់ទីដ៏ប៉ិន​ប្រសព្វ​ដ៏មាន​ភាពទាក់ទាញនោះ Richards បានបញ្ជាក់ប្រាប់យ៉ាងដូច្នេះថាៈការបញ្ចប់ទីរបស់គាត់ និង សមត្ថភាពបណ្តើរបាល់ បញ្ចូន​បាល់ចេញ​ពីជ្រុង​ចូលប្រអប់ ធ្វើអោយខ្ញុំនឹកឃើញដល់Pires។ គួរបញ្ជាក់ថាអតីតកីឡាករអន្តរជាតិបារាំង Pires មិនស្គាល់ចាញ់មួយប្រកួត​សោះ​ឡើងនៅ​ក្រប​ខណ្ឌ  Premier League ក្នុងឆ្នាំ២០០៤ ដោយរកបាន១៤ គ្រាប់ និងAssist ៩ ដងនៅរដូវកាលនោះ Arsenal បច្ចុប្បន្នកំពុងនាំមុខតារាងក្របខ័ណ្ឌលីគកំពូល​អង់គ្លេស និង សម្លឹងចង់លើកពានក្រោយខកខានចាប់តាំងពីរដូវកាល២០០៣-២០០៤ខណៈកីឡាករអន្តរជាតិអង់គ្លេស Saka រូបនេះបានដើរតួយ៉ាងសំខាន់ក្នុងការជួយជ្រោមជ្រែងក្រុម។