បរទេស៖ ក្លឹប Crystal Palace បានបញ្ជាក់ពីការតែងតាំងអតីតគ្រូបង្វឹកលោក Roy Hodgson ដឹកនាំក្លឹបរហស្សនាមស្ទាំងខៀវរហូតដល់​ចប់​រដូវ​កាលនេះ បន្ទាប់ពីក្លឹបបានបញ្ចប់តំណែងលោក Patrick Vieira កាលពីសប្តាហ៍មុនក្រោយដឹកនាំក្លឹបមិនស្គាល់រសជាតិឈ្នះ ១២ ប្រកួត​ជាប់ៗគ្នា។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ក្រោយបញ្ចប់តំណែងគ្រូបង្វឹកសញ្ជាតិបារំាងលោកVieira ក្លឹបបានផ្តល់អោយលោក Paddy McCarthy ដែលដឹកនាំក្លឹបអាយុ ក្រោម២១ឆ្នាំពេលជួបជាមួយArsenal ប៉ុន្តែបានបន្តបរាជ័យចាញ់ក្រុម កំពូលតារាង Arsenal កាលពីថ្ងៃទីអាទិត្យក្នុងលទ្ធផល៤ទល់ និង១។គួរបញ្ជាក់ថាអតីតគ្រូបង្វឹកអង់គ្លេសវ័យ៧៥ឆ្នាំលោក Hodgson ធ្លាប់​បានចូលកាន់តំណែងនៅទឹកដី Selhurst Park ចន្លោះឆ្នាំ ២០១៧ ដល់ ២០២១មានកំនត់ត្រាឈ្នះ ៥៤ ដង ស្មើ ៣៦ ដង និងចាញ់ ៧២​លើក​ក្រោយការប្រកួតសរុប១៦២ប្រកួត ។