បរទេស៖ ក្រុមភ្ញៀវ Barcelona បានបន្តវិលត្រលប់មកនាំមុខចំនួនប្រាំបួនពិន្ទុលើកំពូលតារាង La Liga ក្រោយផ្តួលម្ចាស់ផ្ទះ Athletic Bilbao ក្នុងលទ្ធផលដ៏លំបាក១ទល់និង០កាលពីយប់ថ្ងៃអាទិត្យខណៈខ្សែបម្រើអន្តរជាតិប្រេស៊ីល Raphinha បានខិតខំប្រឹងប្រែងរកគ្រាប់បាល់ជ័យជំនះតាំងពីជិតបញ្ចប់តង់ទី១។
អ្នកចាំទីឆ្នើម Marc-Andre ter Stegen បានធ្វើការសង្គ្រោះបាល់ជាច្រើនដងពីសំណាក់ក្រុម Bilbaoខណៈគ្រាប់បាល់ស៊ុតបញ្ចូលទីចុងម៉ោងរបស់ Inaki Williams ត្រូវបានបដិសេធថានបានប្រើប្រាស់ដៃ បន្ទាប់ពីការត្រួតពិនិត្យ (VAR) យ៉ាងយូរ។ ការខិតខំប្រឹងប្រែងរបស់ Oier Zarraga ក៏ត្រូវបានរារាំងដោយដោយខ្សែការពារ Jules Kounde ក្នុងម៉ោងបន្ថែមជិតបញ្ចប់ការប្រកួតផងដែរនោះ។ ក្រុមលោក Xavi បានបន្តនាំមុខក្រុមការពារតំណែងជើងឯក Real Madrid ទោះបីពួកគេបានផ្តួល Espanyol កាលពីថ្ងៃសៅរ៍ស្របពេលគូប្រជែងដ៏ជូរចត់ទាំងពីរនឹងត្រូវជួបគ្នាក្នុងជំនួប El Clasico នៅទឺកដី Nou Camp នាថ្ងៃអាទិត្យចុងសប្តាហ៏នេះ។
ក្រុមហង្សក្រហម Liverpool កំពុងសម្លឹងមើលគោលដៅបន្ទាប់របស់ពួកគេបន្ទាប់ពីការមកដល់របស់ខ្សែបម្រើអន្តរជាតិអាឡឺម៉ង់ Florian Wirtz និងការចុះហត្ថលេខាលើកីឡាករអន្តរជាតិហុងគ្រី Milos Kerkez ដែលនិងត្រៀមឆ្លងកាត់ការពិនិត្យសុខភាព និងបង្ហាញខ្លួនជាផ្លូវការយ៉ាងយូរមុនថ្ងៃព្រហស្បត្ត៍សប្តាហ៍ក្រោយនេះហើយ។ប្រភពពីគេហទំព័រ talkSPORT បានចុះផ្សាយថាៈម្ចាស់ជើងឯក EPL មិនទាន់បញ្ចប់ការចង់បានក្នុងការនាំយកសមាជិកថ្មីនោះទេ ខណៈបច្ចុប្បន្នពួកគេត្រៀមចរចារចុះហត្ថលេខាលើប្រធានក្រុម Crystal Palace កីឡាករ Marc Guehi ម្នាក់ទៀតមករួមក្រុម ។Wirtz បានបញ្ចប់ការផ្ទេរពី Bayer Leverkusen ទៅ Premier League ក្នុងតម្លៃខ្លួន ១១៦,៥ លានផោនក្នុងកំណត់ត្រាមួយថ្លៃបំផុតរបស់អង់គ្លេស។ ស្របពេលក្រុមលោក Arne Slot បានបន្តចាយប្រាក់ប្រមាណ ៤០ លានផោននាំយក Kerkez ពី Bournemouth ជិតរួចរាល់ហើយ ខណៈ Jeremie Frimpong គឺជាគោលដៅជំនួសការចាកចេញរបស់ Trend Alexander Arnold និងខិតចូលមកបន្តបន្ទាប់ទៀតនោះ ។វាមានន័យថាការចំណាយសរុបរបស់ម្ចាស់ជើងឯក Premier League នៅរដូវក្តៅនេះត្រូវបានកំណត់រួចហើយថាអាចលើសពី ១៨៥ លានផោន […]
