បរទេស៖ សង្គ្រាមកាត់សេចក្តីលើវាលស្មៅ និង បន្តកើតមានសម្រាប់ការប្រកួតពានរង្វាន់ Champion League វគ្គ១៦ក្រុមចុងក្រោយជើងទីពីរនៅទឹកដី Allianz Arena រវាងម្ចាស់ផ្ទះ Bayern Munich និង Paris Saint-Germain សម្រាប់ការប្រកួតដែលនិងធ្វើ ឡើងនៅវេលាម៉ោង៣ទាបភ្លឺឈានចូលថ្ងៃព្រហស្បត្ត៏នេះ ។ Bayern Munichដែលបានយកឈ្នះ ក្នុងលទ្ធផល១ទល់និង០សម្រាប់ការប្រកួតជើងទី១កំពុងសម្លឹងឃើញឪកាសមាន ប្រៀបក្នុងការក្រកួតនេះទាំងគ្រាប់បាល់នាំមុខ និង ក្នុងនាមម្ចាស់ផ្ទះ។
រីឯ PSG សម្លឹងចង់សងសឹក Bayern Munich ដែលបានផ្តួលពួកគេនៅវគ្គផ្តាច់ព្រ័ត្រ Champion League ឆ្នាំ២០២០ និងបន្ត ទម្លាក់ពួកគេចាញ់កំលុងវគ្គពាក់កណ្តាលផ្តាច់ព្រ័ត្រ២០២០-២០២១ ខណៈ Bayern Munich ក៏មានបំណងជៀសផុតការធ្លាក់ ចេញត្រឹម វគ្គ១៦ក្រុមជាលើកទីពីរគិតត្រឹមរដូវកាល២០១០-២០១១មក។ ទោះយ៉ាងណា PSG ក៏សម្លឹងចង់ជៀសផុតពីការធ្លាក់ចេញពីក្របខណ្ឌ Champions League វគ្គ ១៦ក្រុមចុងក្រោយជាលើកទី ៥ ក្នុងរយៈពេល ៧ រដូវកាលចុងក្រោយផងដែរ។
សម្រាប់៦ប្រកួតចុងក្រោយរបស់ PSG នៅ Champion League គឺឈ្នះ៣ស្មើ២និងចាញ់១ រីឯBayern Munich គឺធ្វើបានល្អណាស់ដោយឈ្នះទាំង៦លើកតែម្តង។
ប្រវត្តិជួបគ្នា៥លើកចុងក្រោយគឺ PSG ឈ្នះ ១ ខណៈ Bayern Munich ឈ្នះ ៤ ។
ជម្រើស១១នាក់ដំបូងសម្រាប់ Bayern Munich អាចនិងដាក់អោយចូលលេង Sommer; Stanisic, Upamecano, De Ligt; Coman, Kimmich, Goretzka, Davies; Sane, Musiala; Choupo-Moting ។
ជម្រើស១១នាក់ដំបូងសម្រាប់ PSG អាចនិងដាក់អោយចូលលេង Donnarumma; Pereira, Marquinhos, Ramos; Hakimi, Ruiz, Verratti, Vitinha, Mendes; Messi, Mbappe ។
[លទ្ធផលទស្សន៏ទាយសម្រាប់គូទាំងពីរនេះគឺ PSG ២:២ Bayern Munich]
