បរទេសៈ​ អ្នកចាត់ការទូទៅរបស់ក្លឹបបិសាចក្រហម Manchester United លោក Erik Ten Hag បានបញ្ជារឲ្យកូនក្រុមរបស់លោកទាំងអស់អង្គុយនៅក្នុងបន្ទប់ផ្លាស់សម្លៀកបំពាក់ឲ្យស្ងាមស្ងាត់បំផុត​ ដើម្បីឲ្យពួកគេស្តាប់ដៃគូររបស់ខ្លួន Liverpool អបអរជ័យជម្នះមកលើក្រុមរបស់ខ្លួន ក្រោយចប់ការប្រកួតភ្លាមៗ ។

ក្លឹបបិសាចក្រហម Manchester United បានទទួលរងបរាជ័យយ៉ាងស្ពឹកមុខក្រោមថ្វីជើងក្រុមគូរប្រជែងរាប់ឆ្នាំ ហង្សក្រហម Liverpool ដោយលទ្ធផល ៧-០​ នៅក្នុងកីឡដ្ឋាន Anfield កាលពីថ្ងៃអាទិត្យ ដែលវាជាជ័យជម្នះមួយដែលគ្រប់គ្នាមិននឹកស្មានដល់ឡើយ។