អ្នកចាត់ការទូទៅក្រុមហ្សក្រហម Liverpool លោក Jurgen Klopp បានបញ្ជាក់ថាខ្សែប្រយុទ្ធជើងចាស់ Roberto Firmino នឹងចាកចេញពីក្លឹបនៅពេលដែលកិច្ចសន្យារបស់គាត់ផុតកំណត់នៅចុងបញ្ចប់នៃរដូវកាលនេះក្រោយចំណាយពេល៨ឆ្នាំជាមួយក្លឹប។ បើទោះបីជារដូវកាលនេះមានបញ្ហារបួសនិងទម្រង់លេងធ្លាក់ចុះ ប៉ុន្តែខ្សែប្រយុទ្ធអន្តរជាតិប្រេស៊ីលនៅតែជាទីពេញនិយមពិសេសពីសំណាក់អ្នកគាំទ្រ នាកីឡាដ្ឋាន Anfield ជាពិសេសគឺនៅពេលផ្តួលគូប្រជែងMan.Utd ក្នុងលទ្ធភល ៧:0 កាលពីថ្ងៃអាទិត្យ។
ដំបូងឡើយ Liverpool និង Firmino ត្រូវបានបណ្តាញសារពត៌មានលើកឡើងថាកំពុងពិភាក្សាគ្នាលើកិច្ចសន្យាថ្មីសម្រាប់កីឡាករវ័យ ៣១ ឆ្នាំរូបនេះ ប៉ុន្តែការមកដល់របស់កីឡាករវ័យក្មេង២រូបគឺខ្សែប្រយុទ្ធអន្តរជាតិហូឡង់ Cody Gakpo និងខ្សែប្រយុទ្ធអន្តរជាតិអ៊ុយរូហ្គាយ Darwin Nunez បានធ្វើអោយពេលវេលាបង្ហាញរបស់គាត់កាន់តែមានកម្រិត។
ក្រោយផ្តួលក្រុមលោក Erik Ten Hag បច្ចុប្បន្ន Liverpool បានឡើងមកឈរនៅលេខរៀងទី៥ ក្នុងតារាង Premier League និងមានបីពិន្ទុតាមពីក្រោយក្រុមTop-៤គឺ Tottenham ដែលនៅមាន១ប្រកួតក្នុងដៃនោះ។
បរទេសៈ ខ្សែប្រយុទ្ធឆ្នើមរបស់ក្លឹបបិសាចក្រហម Manchester United គឺ Marcus Rashford ដែលបច្ចុប្បន្នកំពុងលេងនៅក្លឹប Aston VIlla ក្នុងលក្ខខណ្ឌខ្ជីជើង ត្រូវបានគេរាយការណ៍ថា បានបើកការចរចារក្នុងការទទួលយកការកាត់ប្រាក់ឈ្នួល ដើម្បីអាចបញ្ចប់ការផ្ទេរទៅកាន់ក្លឹប FC Barcelona ដែលជាក្លឹបក្នុងក្តីស្រមៃរបស់គេ ។អត្ថបទកំពុងចាប់អារម្មណ៍៖ Rashford ចង់ផ្ទេរទៅកាន់ក្លឹបនៅអេស្ប៉ាញមួយ នៅទីផ្សារដោះដូរខាងមុខ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស បច្ចុប្បន្នក្រុម Aston Villa បានមានសិទ្ធិក្នុងការទិញខ្សែប្រយុទ្ធរូបនេះក្នុងតម្លៃ៤០លានផោន តែ Rashford ហាក់បីចង់បង្ហាញផ្ទេរទៅកាន់ក្លឹបនៅទឹកដីអេស្ប៉ាញជាង ។ ទោះបីជាយ៉ាងណាមិញ Barcelona នៅតែបន្តជួបប្រទះបញ្ហាហិរញ្ញវត្ថុ ហើយ La Liga បន្តដាក់សម្ពាធយ៉ាងតឹងរឹងលើប្រាក់ឈ្នួលរបស់កីឡាករ ដែលនេះអាចជាមូលហេតុដ៏ពិបាកសម្រាប់ Barcelona ក្នុងការចុះកុងត្រាលើកីឡាករថ្មី៕
