Close
Ads: 88BOL
Featured-Image
ចាន់ វឌ្ឍនាកា ត្រឡប់ចូលទីលានវិញ ក្រោយខកខានជាង ១ឆ្នាំ ស្របពេលបឹងកេតឈ្នះលើកដំបូង
ទំហំអក្សរ
តូច
ធំ

(ភ្នំពេញ)៖ ទីបំផុតខ្សែប្រយុទ្ធដ៏មានប្រជាប្រិយ ចាន់ វឌ្ឍនាកា បានត្រឡប់ចូលទីលានប្រកួតវិញហើយ ក្រោយអវត្តមានជាង ១ឆ្នាំ ដោយសាររបួសជង្គង់។ ការបង្ហាញខ្លួនលើកដំបូងនេះដែរ ស្របពេលក្រុមបឹងកេត បានទទួលជ័យជម្នះលើកដំបូងដូចគ្នាក្នុងពានរង្វាន់ Cambodian League Cup 2023 បន្ទាប់ពីវាយបកឈ្នះក្រុមភ្ញៀវកងយោធពលខេមរភូមិន្ទ ៤-៣ កាលពីម្សិលមិញ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ជំនួបដ៏ស្វិតស្វាញខាងលើ វឌ្ឍនាកា ត្រូវបានប្ដូរចូលលេងនៅនាទី៦៣ ស្របពេលក្រុមកងយោធពលខេមរភូមិន្ទ នាំមុខម្ចាស់ផ្ទះបឹងកេត ៣-២។ សម្រាប់រយៈពេលប្រមាណ ២០នាទីចុងក្រោយ បឹងកេតក៏វាយបកបាន ២គ្រាប់វិញ ក្នុងនោះក៏មានការរួមចំណែកលើកបាល់ចេញពីជ្រុងដោយ វឌ្ឍនាកា និងបង្កើតឱកាសឲ្យមិត្តរួមក្រុមស៊ុតបញ្ចប់ទី ១គ្រាប់នៅនាទី៩០+៣ ដែលជាគ្រាប់បាល់ជ័យជម្នះផងដែរ។

សូមរំឮកថា ចាន់ វឌ្ឍនាកា បានរងរបួសដាច់សរសៃជង្គង់ខាងស្ដាំ (ACL) កាលពីចុងខែមករា ឆ្នាំ២០២២ ហើយបានធ្វើការវះកាត់នៅថ្ងៃទី០៥ ខែកុម្ភៈ ឆ្នាំ២០២២ ដោយទទួលបានការឧបត្ថម្ភថវិកាផ្ទាល់របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជាចំនួន ៥ម៉ឺនដុល្លារ ដើម្បីជួយសម្រួលដល់ការព្យាបាលរបួសរបស់អតីតខ្សែប្រយុទ្ធជម្រើសជាតិកម្ពុជារូបនេះទៀតផង។

មកទល់ពេលនេះរបួសរបស់ ចាន់ វឌ្ឍនាកា ក៏បានជាសះស្បើយ ១០០% ហើយបានត្រឡប់ចូលទីលានប្រកួតវិញ ដែលធ្វើឲ្យអ្នកគាំទ្រមានការសប្បាយរីករាយជាខ្លាំង ហើយក៏សង្ឃឹមថា រូបគេនឹងអភិវឌ្ឍន៍សមត្ថភាព ក៏ដូចជារក្សាទម្រង់លេងបានល្អដូចដើម ដើម្បីបន្ដរួមចំណែកជួយក្លិប ក៏ដូចជាក្រុមជម្រើសជាតិនាពេលខាងមុខផងដែរ៕

អត្ថបទកំពុងចាប់អារម្មណ៍៖
ទីបំផុត! ក្លឹប West Ham តែងតាំងគ្រូបង្វឹកថ្មីរូបនេះ ដើម្បីជំនួសលោក David Moyes
featured image

(អង់គ្លេស)៖ ក្លឹបញញួរធំ West Ham United បានតែងតាំងអតីតអ្នកចាត់ការជម្រើសជាតិអេស្ប៉ាញ និងក្លឹប Real Madrid លោក Julen Lopetegui ជាគ្រូបង្គោលថ្មីរបស់ពួកគេ សម្រាប់ជំនួសតំណែងលោក David Moyes នេះបើតាមការប្រកាសពីក្លឹបលេងនៅលីគ Premier League តាមសារព័ត៌មាន CNA ក្នុងថ្ងៃនេះ។អត្ថបទកំពុងចាប់អារម្មណ៍៖ ញាក់សាច់! ប្រសិន Arsenal ចង់បានខ្សែប្រយុទ្ធរូបនេះ គឺត្រូវចំណាយប្រាក់ប្រហែល ១៨០លានផោន សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស លោក Lopetegui ដែលពីមុនធ្លាប់ដឹកនាំក្លិប Wolverhampton Wanderers ក្នុងលីគ Premier League ដែរនោះ នឹងទទួលបន្ទុកដឹកនាំ West Ham នៅថ្ងៃទី០១ ខែកក្កដាខាងមុខ បន្ទាប់ពីលោក Moyes ចាកចេញពីក្លិបមានមូលដ្ឋាននៅភាគខាងកើតទីក្រុង London ក្នុងខែនេះ ដោយការព្រមព្រៀងគ្នាទៅវិញទៅមក បន្ទាប់ពីកិច្ចសន្យារបស់លោកផុតកំណត់។ […]

ចុចអានបន្ត
អត្ថបទទាក់ទង