បរទេស៖ West Ham ត្រូវបានគេជឿជាកថា បានបង្ហាញការចាប់អារម្មណ៍លើការខ្ចីជើងខ្សែការពារ Harry Maguire របស់ក្រុម Manchester United ។ នេះ​បើ​យោង​តាម​របាយ​ការណ៍​របស់សារព័ត៍មាន Mirror ដែល​បង្ហាញ​ថា​ក្រុម West Ham កំពុង​តែ​សម្លឹង​មើល​ការ​ជំនួស​តំណែងរបស់ខ្សែការពារ Craig Dawson ដែល​ត្រូវ​បាន​គេ​ភ្ជាប់​យ៉ាង​ខ្លាំង​ជាមួយ​នឹង​ការ​ផ្លាស់​ទៅ Wolves ។

Maguire បានចូលរួមជាមួយ Man Utd ពី Leicester ក្នុងឆ្នាំ 2019 ដែលតម្លៃខ្លួន 80 លានផោនធ្វើឱ្យគាត់ក្លាយជាខ្សែការពារថ្លៃបំផុតរបស់ពិភពលោកក្នុងប្រវត្តិសាស្រ្ត។ ទោះបីជាគាត់គឺជាកីឡាករដ៏សំខាន់សម្រាប់ក្រុមអង់គ្លេសក៏ដោយ ប៉ុន្តែ Maguire បាត់បង់តំណែងទៅកាន់ Rafaël Varane និង Lisandro Martínez នៅ​ Ma Utd ក្នុងរដូវកាលនេះ ដោយសម្បីតែខ្សែការពារឆ្វេង Luke Shaw លោក Ten Hag មើលឃើញមុន Maguire ផងដែរ៕