• Sponsor by 88Bol
  • ហួសចិត្ត! រថភ្លើងប៉ុណ្ណាណីមិនឃើញ ចុងក្រោយ..(មានវីដេអូ)
    Others 2 weeks ago 91 Views

    ខេត្តបាត់ដំបង: សមត្ថកិច្ចនៅខេត្តបាត់ដំបងបានឲ្យដឹងថា មានករណីគ្រោះថ្នាក់ចរាចរណ៍មួយ រវាងរថភ្លើងដឹកប្រេង បុកប៉ះជាមួយរថយន្តធុនធ្ងន់ដឹកថ្ម បណ្តាលឲ្យរថយន្ត និងរថភ្លើងក្រឡាប់។

    May be an image of outdoors

    ហេតុការណ៍នេះកើតឡើងនៅម៉ោងជាង១១ថ្ងៃត្រង់ ថ្ងៃទី១៧ខែមករា ឆ្ឆ្នាំ២០២៣ តាមបណ្តោយផ្លូវហាយវ៉េ ក្នុងភូមិអូរដំបង ឃុំអូរដំបង២ ស្រុកសង្កែ ខេត្តបាត់ដំបង ។ របាយការណ៏បឋមពីសមត្ថកិច្ចឲ្យដឹងថា រថភ្លើងដឹកសាទែនប្រេងមួយខ្សែ បើកបរដោយឈ្មោះ សយ សម្បត្តិ ភេទប្រុសអាយុ៥៧ឆ្នាំ ទិសដៅពីភ្នំពេញទៅបាត់ដំបង បានបុករថយន្តធុនធ្ងន់ដឹកថ្មមួយគ្រឿង ម៉ាក HYUNDAI គ្មានផ្លាកលេខ បើកបរដោយឈ្មោះ ស្វាយ រឿន ភេទប្រុស អាយុ៤៦ឆ្នាំ រស់នៅភូមិធិបតី ឃុំធិបតី ស្រុកគាស់ក្រឡ ខេត្តបាត់ដំបង ដែលបើកបរ ក្នុងល្បឿនលឿន ។

    May be an image of 1 person and outdoors

    បើតាមសមត្ថកិច្ចថា មុនពេលឆ្លងចូលដល់ផ្លូវជាតិរថភ្លើងក៏ស៊ីផ្លេដែរ ហើយមន្ត្រីប្រចាំការផ្លូវរថភ្លើងក៏ឲ្យសញ្ញាទង់ថា មានរថភ្លើងត្រូវឆ្លងកាត់ដែរ ប៉ុន្តែភាគីខាងរថយន្តមិនដឹងថាឃើញឬមិនឃើញសញ្ញាហាមឃាត់ នៅតែបើកបរទៅមុខ ទើបបណ្តាលឲ្យរថភ្លើងបុកពេញទំហឹងក្រឡាប់ទាំងរថភ្លើងនិងរថយន្តតែម្តង ប៉ុន្តែពុំមានមនុស្សរងគ្រោះថ្នាក់ធ្ងន់ធ្ងរទេ។ ក្រោយពេលកើតហេតុ សមត្ថកិច្ចជំនាញបានចុះទៅពិនិត្យនិងដោះស្រាយបន្តតាមនិតិវិធី៕

    Credit: Huy Bunleng News