លោក Jurgen Klopp បានសារភាពថាលោកពិតជារីករាយណាស់ក្នុងការដឹកនាំក្រុមបាល់ទាត់អាជីពធ្វើការប្រកួតលើកទី ១០០០ ក្នុងនាមគ្រូបង្វឹកពេលជួបក្រុមគូប្រជែងគឺតោខៀវChelseaនៅក្របខណ្ឌ Premier league កាលពីថ្ងៃសៅរ៏ម្សិលមិញនេះ។ ទោះបីជាមិនអាចផ្តួលគូប្រជែងបានដោយបានទទួលលទ្ធផលត្រឹមតែស្មើគ្នា ០ទល់និង០ ប៉ុន្តែអ្នកចាត់ការក្រុមហង្សក្រហម Liverpool បានលើកឡើងថារូបលោកសប្បាយចិត្តដែលមិនបង្កើតកំនត់ត្រាអាក្រក់ដូចដែលអតីតគ្រូបង្វឹកArsenal លោក Arsene Wenger ធ្លាប់ជួបនោះឡើយ។លោកKlopp បន្តថាៈ ជាលើកដំបូង និងសំខាន់បំផុត មុនពេលការប្រកួត ខ្ញុំបានទទួលសារអបអរជាច្រើនសម្រាប់កំនត់ត្រាប្រកួតទី ១០០០ របស់ខ្ញុំ ហើយមិនមែនសុទ្ធតែល្អនោះទេជាក់ស្តែងខ្ញុំគិតថាលោក Arsene Wenger បានចាញ់ការប្រកួតលើកទី 1,000នោះ។
គួររំលឹកថាអតីតអ្នកចាត់ការ Arsenal ធ្លាប់រឿងដ៏ខកចិត្តមិនសមប្រកបនោះទេ ពោលគឺកំលុងខែមីនា ឆ្នាំ ២០១៤ វាជាសុបិន្តអាក្រក់ សម្រាប់បុរសសញ្ជាតិបារាំង ខណៈក្រុមគូប្រជែងមកពីទីក្រុងឡុងដ៏ភាគខាងលិច Chelsea បានផ្តួលក្រុមយក្សនៅទីក្រុងឡុងដ៍ភាគខាងជើងគឺArsenalក្នុងលទ្ធផលដល់ទៅ ៦ទល់និង០ឯណោះ ។
បច្ចុប្បន្នអតីតគ្រូបង្វឹក Mainz 05 និង Borussia Dortmund បានដឹកនាំក្រុមLiverpoolឈរនៅចំណាត់ថ្នាក់លេខរៀងទី ៩ខណៈ Chelsea មានពិន្ទុស្មើគ្នា ប៉ុន្តែមានគ្រាប់ស៊ុតបញ្ចូលទីតិចជាង ។ទោះយ៉ាងណា លទ្ធផលស្មើគ្នានេះគឺជាការប៉ះទង្គិចមួយផ្សេងទៀតចំពោះក្តីសង្ឃឹមរបស់ Liverpool ក្នុងការឈានទៅបញ្ចប់រដូវកាលក្នុងចំណាត់ថ្នាក់Top-៤ ដើម្បីមានកៅអីលេងនៅក្របខ័ណ្ឌ Champions League រដូវកាលក្រោយផងដែរ។
ខ្សែបម្រើឆ្នើមរបស់ក្រុម Bayern Munich គឺ Thomas Muller ត្រូវបានគេរំពឹងថា នឹងចាកចេញពីក្រុម នៅចុងបញ្ចប់រដូវកាល ២០២៤ – ២០២៥ បន្ទាប់ពីការចរចារកុងត្រាថ្មីមិនទទួលបានជោគជ័យ។អត្ថបទកំពុងចាប់អារម្មណ៍៖ End of an Era! វីរបុស Bayern ម្នាក់ទំនងចាកចេញនៅចុងបញប់រដូវកាល ក្រោយចំណាយពល២៥ឆ្នាំ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស Muller ដែលបានចំណាយពេលពេលមួយអាជីពរបស់ខ្លួនជាមួយនឹងក្រុម Bayern តាំងពីឈុតថ្នាលក្នុងឆ្នាំ២០០០ តែងតែជាផ្នែកដ៏សំខាន់ក្នុងក្លឹបយក្សមួយនេះគ្រប់រដូវកាលទាំងអស់។ ទោះបីជាយ៉ាងណាមិញតំណែងរបស់ខ្លួនហាក់បីបានបាត់បង់នៅឆ្នាំ២០២៥នេះ ដោយគាត់បានបង្ហាញខ្លួនត្រឹមតែ២៧ប្រកួតប៉ុណ្ណោះ។ ការសម្រេចចិត្តរបស់ក្លឹបដែលមិនបន្តកុងត្រាថ្មី គឺជាការព្រមព្រៀងពីសំណាក់ភាគគីខាងក្រុមប្រឹក្សាភិបាលរបស់ក្លឹប និងបញ្ហាប្រាក់ឈ្នួលផងដែល ដោយក្លឹបបច្ចុប្បន្នកំពុងមានផែនការក្នុងការកាត់បន្ថយប្រាក់ឈ្នួលរបស់កីឡាករ។ ទោះបីជាមិនបន្តកុងត្រាថ្មីក៏ដោយ ប៉ុន្តែក្រុម Bayern នឹងផ្តល់ជាការគោរពដល់ Muller ក្នុងការចូលរួមចំណែកក្នុងផ្នែកណាមួយរបស់ក្រុមនាពេលអនាគត ដោយការចរចារនឹងធ្វើឡើងក្នុងពេលឆាប់ៗ ខាងមុខនេះ។ Muller បានបង្ហើបអំពីមហិច្ឆតាក្នុងការបន្តអាជីពរបស់ខ្លួនបន្តទៀត ខណៈរូបគេរំពឹងថា នឹងមានសំណើរមកពីក្លឹបនៅសហរដ្ឋអាមេរិក ដោយគាត់បានចេញសេចក្តីប្រកាសថា លោកនឹងមិនលេងឲ្យក្រុមផ្សេងក្នុងក្របខណ្ឌ Bundesliga ជាដាច់ខាត៕
