• Banner Banner Banner Banner Banner Banner
  • Juventus ​រក​បាន​ពិន្ទុ​ជា​កំណត់​ត្រា​១០២ ​ខណៈ​ដែល​ Roma ​រង​ការ​ខក​ចិត្ត
    បាល់ទាត់ក្នុងស្រុក 8 years ago 252 Views

    ការ​ស៊ុត​បាល់​ពិន័យ​ពី​ចម្ងាយ​​៣៥​ម៉ែត្រ​ចូល​ទី​យ៉ាង​ល្អ​ពី​សំណាក់​ខ្សែ​បម្រើ Andrea Pirlo បាន​ជួយ​ឲ្យ​ក្រុម Juventus ទទួល​ជ័យ​ជម្នះ​​ក្នុង​លទ្ធ​ផល ៣-០ លើ​ក្រុម Cagliari និង​ទទួល​បាន​ពិន្ទុ​ជា​កំ​ណត់​ត្រា​១០២​ពិន្ទុ ខណៈ​ដែល​ក្រុម​ម្ចាស់​ជើង​ឯក​មួយ​នេះ​បាន​អប​អរ​ការ​ឈ្នះ​ពាន​យ៉ាង​រីក​រាយ​កាល​ពី​ថ្ងៃ​អាទិត្យ​។ Juventus បាន​ឈ្នះ​ពាន​រង្វាន់​ក្រប​ខ័ណ្ឌ Serie A ជា​មួយ​នឹង​ការ​នៅ​សល់​ពីរ​ប្រកួត​ទៀត​កាល​ពី​ពីរ​សប្តាហ៍​មុន នៅ​ពេល​ដែល​ក្រុម Roma ដែល​ជា​គ្រូ​ប្រជែង​យ៉ាង​ប្រកៀក​បំផុត បាន​រង​បរា​ជ័យ ៤-១ នៅ​លើ​ទឹក​ដី​ក្រុម Catania រយៈ​ពេល​មួយ​ថ្ងៃ មុន​ពេល Juventus បាន​បន្ថែម​ភាព​រីក​រាយ​ផ្សេង​ៗ​ជា​មួយ​នឹង​ជ័យ​ជម្នះ ១-០ នៅ​លើ​ទឹក​ដី​ខ្លួន​ឯង​លើ​ក្រុម Atalanta​។ ffe1ec9a467dce26622bed3f470fa9abdbbf53fdបច្ចុប្បន្ន ជា​មួយ​នឹង​ការ​ឈ្នះ​ពាន​ជា​ផ្លូវ​ការ​ចំនួន​៣០ ក្រោយ​ពី​ក្លិប​នេះ​ត្រូវ​បាន​គេ​ដក​ហូត​យក​ពាន Serie A ​ដែល​បាន​ឈ្នះ​ក្នុង​ឆ្នាំ​២០០៥ និង​២០០៦ វិញ ដោយ​សារ​តែ​ការ​ទាក់​ទិន​របស់​ពួក​គេ​ក្នុង​រឿង​អាស្រូវ​កំ​ណត់​លទ្ធ​ផល​នៃ​ការ​ប្រកួត Juventus បាន​បន្ត​បង្កើត​កំណត់​ត្រា​ពីរ​កាល​ពី​សប្តាហ៍​មុន នៅ​ពេល​ដែល​ការ​ទទួល​ជ័យ​ជម្នះ ១-០ នៅ​លើ​ទឹក​ដី​ក្រុម Roma បាន​ជួយ​ឲ្យ​ពួក​គេ​កត់​ត្រា​ជ័យ​ជម្នះ​ជា​លើក​ទី​៣២​នៃ​រដូវ​កាល​នេះ និង​ពិន្ទុ​សរុប​ចំនួន​៩៩​។ Inter Milan បាន​បង្កើន​កំ​ណត់​ត្រា​កាល​ពី​មុន​តាម​រយៈ​ការ​រក​បាន​៩៧​ពិន្ទុ​សម្រាប់​រដូវ​កាល​នៃ​ការ​ឈ្នះ​ពាន​ក្រោម​ក្រប​ខ័ណ្ឌ​ដូច​គ្នា​នេះ​កាល​ពី​ឆ្នាំ​២០០៧​។ លោក Conte ត្រូវ​បាន​រំ​ពឹង​ថា នឹង​បន្ត​នៅ​ជា​មួយ​នឹង​ក្លិប​យក្ស​របស់​ទីក្រុង Turin មួយ​នេះ បើ​ទោះ​បី​មាន​របាយ​ការណ៍​ថា លោកមិន​រីក​រាយ​ជា​មួយ​នឹង​ការ​ខ្វះ​នូវ​គម្រោង​នៃ​ការ​បណ្តាក់​ទុន​លើ​កីឡាករ​ដើម្បី​នាំ​ឲ្យ​មាន​ការ​ប្រជែង​ថ្មី​ក្នុង​ក្រប​ខ័ណ្ឌ Champions League ក៏​ដោយ​។ Juventus ដែល​ជា​​ម្ចាស់​ជើង​ឯក​ប្រចាំ​ទ្វីប​អឺ​រ៉ុប​ពីរ​សម័យ​កាល បាន​បរា​ជ័យ​ក្នុង​ការ​ឆ្លង​ឲ្យ​ផុត​ដំ​ណាក់​កាល​នៃ​​ការ​ប្រកួត​ជម្រុះ​តាម​ពូល​នៅ​រដូវ​កាល​នេះ​​។ លោក Conte បាន​ប្រាប់​ទូរ​ទស្សន៍ Sky Sport ថា៖ «ខ្ញុំ​ចង់​និយាយ​ថា អរគុណ​ដល់​រាល់​កីឡាករ​ទាំង​អស់ គ្រប់​គ្នា​ពិត​ជា​អស្ចារ្យ​ណាស់​។ គោល​បំ​ណង​របស់​យើង​គឺ​ការ​ឈ្នះ​ពាន​រង្វាន់ Serie A ជា​លើក​ទី​៣​ជាប់​ៗ​គ្នា ផ្ទុយ​ទៅ​វិញ​យើង​បាន​បង្កើត​កំ​ណត់​ត្រា​បន្ទាប់​ពី​កំ​ណត់​ត្រា​»​។ ស្រប​ពេល​ជា​មួយ​​គ្នា​នេះ ក្រុម Catania, Bologna និង Livorno ត្រូវ​បាន​កាត់​ចេញ​ពី​ក្រប​ខ័ណ្ឌ Serie A​​៕ តា​រា

    លទ្ធ​ផល​គូ​ផ្សេង​ទៀត

    Catania 2-1 Atalanta

    Genoa 1-0 Roma

    Chievo 2-1 Internazionale

    Fiorentina 2-2 Torino

    Lazio 1-0 Bologna

    Milan 2-1 Sassuolo

    Napoli 5-1 Verona

    Parma 2-0 Livorno

  • Loading...
  • Recent Posts