(អង់គ្លេស)៖ យោងតាមគេហទំព័រ The Sun បានរាយការណ៍ថា អ្នកទោស Barry Bennell បានស្លាប់នៅ HMP Littlehey ក្នុង Cambridgeshire នៅព្រឹកថ្ងៃសៅរ៍ ទី១៦ខែកញ្ញា នៅអាយុ ៦៩ឆ្នាំ ដោយមិនទាន់មានមូលហេតុនៃការស្លាប់នៅឡើយ ខណៈ Police កំពុងស៊ើបអង្គេត។ រំលឹកក្នុងទសវត្សរ៍ទី៨០ និងទី៩០ លោក Bennell គឺជាគ្រូបង្វឹកថ្នាលយុវជននៅក្រុម Crewe Alexandra, Manchester City និង Stoke City ។ គាត់(Bennell)មានទំនាក់ទំនងជាមួយក្រុមយុវជននៅ Cheshire, Derbyshire, Staffordshire និង Greater Manchester ជាកន្លែងដែលគាត់បានប្រើតួនាទីរបស់គាត់ដើម្បីបំពានផ្លូវភេទក្មេងប្រុស។
- Bennell ត្រូវបានជាប់ពន្ធនាគារជាលើកដំបូងរយៈពេល ៤ឆ្នាំនៅសហរដ្ឋអាមេរិកក្នុងឆ្នាំ១៩៩៤ បន្ទាប់ពីត្រូវបានកាត់ទោសពីបទរំលោភលើក្មេងប្រុសអង់គ្លេសអាយុ១៣ឆ្នាំ នៅឯជំរុំបាល់ទាត់ក្នុងរដ្ឋផ្លរីដា។
- គាត់បានត្រលប់ទៅចក្រភពអង់គ្លេសវិញ ដែលជាកន្លែងដែលកំណត់ត្រារបស់គាត់ជាអ្នកបៀតបៀនផ្លូវភេទត្រូវបានលាតត្រដាងដោយ Channel 4 Dispatches ក្នុងខ្សែភាពយន្ត Soccer’s Foul Play ក្នុងឆ្នាំ១៩៩៩។
- Bennell ត្រូវបានកាត់ទោសឱ្យជាប់ពន្ធនាគាររយៈពេល៩ឆ្នាំនៅតុលាការ Chester Crown ដោយបានសារភាពចំពោះបទល្មើសចំនួន ២៣ ដែលមានតាំងពីឆ្នាំ៧០។
- ជាងនេះទៅទៀត ក្នុងឆ្នាំ ២០១៥ Bennell បានសារភាពថាមានកំហុសក្នុងការល្បួងក្មេងប្រុសអាយុក្រោម១៤ឆ្នាំ ឱ្យប្រព្រឹត្តអំពើមិនសមរម្យនៅដើមទសវត្សរ៍ទី៨០ ហើយត្រូវជាប់គុកពីរឆ្នាំបន្ថែមទៀត។
- បន្ទាប់ពីកីឡាករបាល់ទាត់ Andy Woodward បានបង្ហាញឱ្យឃើញថា រូបគាត់ត្រូវបានលោក Bennell ចិញ្ចឹម និងធ្វើបាបអស់៤ឆ្នាំ ចាប់តាំងពីគាត់អាយុត្រឹមតែ ១១ឆ្នាំ ហើយជនរងគ្រោះជាច្រើនបានចេញមកបន្តបន្ទាប់។
- ក្នុងឆ្នាំ ២០១៨ លោក Bennell ត្រូវបានកាត់ទោសពីបទល្មើសផ្លូវភេទជាង៥០ ប្រឆាំងនឹងក្មេងប្រុស២២នាក់នៅតុលាការ Liverpool Crown ។
ចៅក្រម Goldstone បាននិយាយថា៖ «អាកប្បកិរិយារបស់អ្នក(Bennell)ចំពោះក្មេងប្រុសទាំងនេះក្នុងការល្បួងពួកគេ មុនពេលពួកគេទទួលរងនូវការរំលោភបំពាន ក្នុងករណីនេះ ជាការរំលោភបំពានដ៏ធ្ងន់ធ្ងរបំផុត ថោកទាប និងគួរឱ្យអាម៉ាស់ ហើយក៏ជាអំពើអាក្រក់បំផុតផងដែរ»៕
ដកស្រង់ពី៖ sportbible.com
គ្រូបង្វឹកក្រុមមេឃខៀវ Man. City លោក Pep Guardiola បានកំនត់គោលដៅលើកីឡាករ Rayan Ait-Nouri នៅក្នុងបញ្ជីផ្ទេរដ៍មានសក្តានុពលរបស់គាត់ ដើម្បីដោះស្រាយបញ្ហាវិបត្តិខ្សែការពារឆ្វេងសម្រាប់ក្រុមរបស់គាត់។ គួរកត់សម្គាល់ថាMan Cityក្រុមបញ្ចប់ចំណាត់ថ្នាក់លេខ៣នៅរដូវកាលនេះ បានដំណើរការលេងដោយគ្មានកីឡាករលេងតួនាទីខ្សែការពារឆ្វេងពោលគឺចាប់តាំងពីការចាកចេញរបស់កីឡាករមានរឿងអាស្រូវផ្លូវភេទគឺកីឡាករអន្តរជាតិបារាំង Benjamin Mendy តាំងពីកំលុងខែសីហា ឆ្នាំ ២០២១មកម្លេះ។អត្ថបទកំពុងចាប់អារម្មណ៍៖ Man.City ចង់បានកីឡាករលេងតួនាទីការពារស្លាបឆ្វេងពីក្លឹបគូប្រជែង EPL (មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស មានអីតកីឡាករមួយចំនួនដូចជាOleksandr Zinchenko, Joao Cancelo និងបច្ចុប្បន្នគឺ Josko Gvardiolធ្លាប់បានដាក់អោយលេងតួនាទីមួយនេះ ប៉ុន្តែមិនទទួលបានភាពប្រាកដប្រជានោះទេ ស្របបពេលកីឡាករវ័យក្មេងនិងជាយុវជនថ្នាល Nico O’Reilly បានដើរតួនាទីចុងក្រោយកាលពីរដូវកាលមុន រួមទាំងការបរាជ័យវគ្គផ្តាច់ព្រ័ត្រពានរង្វាន់ FA Cup ផងដែរនោះ។អ្នកចាត់ការសញ្ជាតិអេស្បាញលោក Pep Guardiola បច្ចុប្បន្នកំពុងពន្លឿនចង់ដោះស្រាយបញ្ហាមួយនេះនៅរដូវក្តៅខណៈ Ait-Nouri របស់ Wolves គឺជាកីឡាករដែលរូបលោក ចង់បាន។ មិនទាន់មានកិច្ចព្រមព្រៀងណាមួយកើតឡើងនៅឡើយទេសម្រាប់កីឡាករអន្តរជាតិអាល់ហ្សេរីមានដើមកំណើតកើតនៅប្រទេសបារាំងវ័យ ២៣ឆ្នាំរូបនេះទេ […]
