បរទេសៈ David De Gea បានចាកចេញពីក្លឹប Manchester United នៅរដូវក្តៅនេះ ក្រោយចំណាយពេល១៣ឆ្នាំនៅ Old Trafford ក្រោយអ្នកចាត់ការទូទៅលោក Erik Ten Hag បានអះអាងថា លោកមិនអាចធានានូវជម្រើស១១នាក់របស់រូបគេបានឡើយ ខណៈក្លឹប Man utd កំពុងព្យាយាមកាត់បន្ថយការចំណាយលើប្រាក់ឈ្នួលកីឡាករផងដែរ។

យ៉ាងណាមិញក្រោយការចាកចេញរបស់ De Gea ក្លឹប Man Utd មិនបានពន្យាពេលឡើយ ដោយភ្លាមៗពួកគេបានចុះកុងត្រាលើអ្នកចាំទីដៃស្អិតរបស់ Inter គឺ Andre Onana ក្នុងតម្លៃ៤៧លានផោន។ De Gea គឺបានផ្សារភ្ជាប់នឹងការផ្ទេរទៅកាន់ក្រុមនៅលីគ Saudi Pro League និងក្លឹបនៅអឺរ៉ុបធំៗដូចជា Bayern និង Real Madrid ហើយក៏ដូចជា Inter Milan ជាដើមអំឡុងទីផ្សារដោះដូរកីឡាករ។ ប៉ុន្តែយ៉ាងណាមិញបច្ចុប្បន្នអ្វីនឹងតែមិនទាន់អាចសម្រេចដោយ De gea នៅតែមិនអាចរកក្លឹបថ្មីរបស់ខ្លួនបានបើទោះបីជាទីផ្សារដោះដូរកីឡាករត្រូវបានបិទក៏ដោយ។

យ៉ាងណាមិញរបាយការណ៍ចុងក្រោយបានចុះផ្សាយថា de Gea អាចនឹងវិលត្រលប់ទៅកាន់ប្រទេសកំណើតរបស់ខ្លួនវិញ ដោយយោងទៅតាម Fichajes បានចុះផ្សាយថា Real Betis បានបង្ហាញចំណាប់អារម្មណ៍ពួកគេលើអតីតអ្នកចាំទី Man Utd ដែទីមួយរូបនេះ៕