“តោះពិភាក្សាគ្នានៅចំណតឡានឯណោះវិញ”នេះជាការលើកឡើងរបស់អ្នកវិភាគកីឡាបាល់ទាត់ប្រចាំទូរទស្សន៍Sky Sports លោក Roy Keane មុនពេលឈានដល់ការជជែកគ្នាតឹងសរសៃករ យ៉ាងក្តៅគគុកជាមួយអ្នកគាំទ្រ Ipswich Town ដែលបានឈរនៅកន្លែងជិតកៅអីអង្គុយនាកីឡដ្ឋានរបស់ពួកគេក្នុងជំនួបជាមួយក្រុមភ្ញៀវបិសាចក្រហម Man.Utd ក្រោមការដឹកនាំលើកដំបូងរបស់គ្រូបង្វឹកលោក Ruben Amorim។អត្ថបទកំពុងចាប់អារម្មណ៍៖ ធ្លាប់តែរិះគន់គេ! ពេលនេះ​វីរបុរស Man.Utd ត្រូវអ្នកគាំទ្រប្រមាថវិញម្តងកាលពីយប់មិញ(មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ខណៈការប្រកួតបានបញ្ចប់ទៅក្នុងលទ្ធផល ១ទល់និង១ ក្រុមការងារទូរទស្សន៍ Sky Sports កំពុងដំណើរការត្រៀមពិគ្រោះយោបល់គ្នាវាយតម្លៃលើការប្រកួត ស្រាប់តេអ្នកគាំទ្រម្នាក់បានចាប់ផ្តើមបញ្ចេញសម្លេងរំខានពីទីកន្លែងនៅក្រៅទីលានជិតកៅអីដែលរូបគេកំពុងឈរ។បើទោះបីជាមិនបានដកស្រង់អត្ថន័យអ្នកគាំទ្រដែលមិនត្រូវបានបញ្ចេញអត្តសញ្ញាណ ប៉ុន្តែបុរសម្នាក់នោះត្រូវបានគេលឺថាស្រែកជេរប្រមាថខ្លាំងៗ ដល់វីរបុរសនិងជាអតីតខ្សែបម្រើ Man.Utd គឺលោក Roy Keane ដែលធ្វើអោយរូបលោកទប់ខ្លួនមិនជាប់ បានឡើងមកឈរតទល់គ្នា និងនិយាយពាក្យសម្តីប៉ុន្មានម៉ាត់ដូចការលើកឡើងខាងលើ មុនពេលបុរសសញ្ជាតិអៀឡង់រូបនេះត្រលប់ទៅតុវេទិការបស់ទូរទស្សន៍ Sky Sports វិញ ខណៈអ្នករៀបចំកម្មវិធីនៅជុំវិញនោះ បានលើកឡើងថាសូមធ្វើចិត្តអោយត្រជាក់ទៅកាន់អ្នកគាំទ្រនោះ។ គួររំលឹកថាកន្លងមកលោក Keane ធ្លាប់ជាបុគ្គលដែលរិះគន់លើវិស័យបាល់ទាត់ និង ចូលចិត្តនិយាយអ្វីមិនសំចៃមាត់លើទម្រង់លេងរបស់កីឡាករផ្សេងៗជាពិសេសកីឡាករក្រុម Man.Utd របស់ខ្លួនឯងតែម្តង និង​ពេលខ្លះការរិះគន់របស់គាត់មិនមានមូលដ្ឋានច្បាស់លាស់ត្រូវបានរងការទិតៀនពីមជ្ឈដ្ឋានទូទៅត្រលប់មកវិញផងដែរ។ វីដេអូ: