(អង់គ្លេស)៖ ក្លឹបមេឃខៀវ Manchester City បានត្រៀមរួចរាល់ក្នុងការបើកផ្លូវឲ្យខ្សែបម្រើ Kalvin Phillips ចាកចេញពីក្លឹបក្នុងលក្ខខណ្ឌខ្ចីជើង នៅពាក់កណ្តាលរដូវកាល Premiere League ២០២៣/២៤។ កីឡាករវ័យ ២៧ឆ្នាំរូបនេះ បានផ្លាស់ទៅកាន់ក្រុមជើងឯក Premier League ពីក្លឹប Leeds United កាលពីរដូវក្តៅមុន បន្ទាប់ពីចំណាយពេល ៨ឆ្នាំនៅកីឡដ្ឋាន Elland Road របស់ Leeds។

យោងតាមកាសែត The Independent បានឱ្យដឹងថា Manchester City មានឆន្ទៈក្នុងការដាក់ Phillips ឲ្យក្លឹបដទៃខ្ចីជើងក្នុងទីផ្សារដោះដូរកីឡាករនៅខែមករា ប្រសិនបើគាត់(Phillips )នៅតែជួបនូវបញ្ហាជាច្រើននៅក្លឹបបន្តទៀត។ ក្លឹប Newcastle ត្រូវបានគេជឿថាមានលទ្ធភាពខ្ពស់ជាងគេក្នុងការនាំយកខ្សែបម្រើរូបនេះនៅទីផ្សារដោះដូរនាខែមករាខាងមុខ៕

ប្រភព៖ smortsmolel.co.uk