(បរទេស)៖ ក្លឹបអង់គ្លេស រហ័សនាមក្រុមមាន់ខ្នាយមាស Tottenham Hotspur ត្រូវបានគេរាយការណ៍ថា បានត្រៀមខ្លួនរួចរាល់ហើយក្នុងការបញ្ចប់កិច្ចសន្យារបស់អ្នកចាំទី Hugo Lloris។ អ្នកចាំទីវ័យ ៣៦ឆ្នាំ រូបនេះនៅសល់តិចជាងមួយឆ្នាំទៀតលើកិច្ចសន្យាបច្ចុប្បន្នរបស់គាត់ ប៉ុន្តែគាត់បានបញ្ជាក់យ៉ាងច្បាស់ហើយថា គាត់ចង់ស្វែងរកក្លឹបថ្មី បន្ទាប់ពីរួមរស់១១ឆ្នាំនៅទីក្រុងឡុងដ៍ខាងជើង។ ខណៈពេលនេះ Lloris កំពុងជួបការលំបាកក្នុងការស្វែងរកក្លឹបថ្មី ហើយមិនស្ថិតក្នុងផែនការក្រុមជម្រើស១១នាក់ដំបូងរបស់គ្រូបង្វឹកថ្មី លោក Ange Postecoglou។
Lloris ត្រូវបានដកហូតតំណែងជាប្រធានក្រុម Spurs ដោយបានផ្សារភ្ជាប់យ៉ាងខ្លាំងជាមួយនឹងការផ្លាស់ប្តូរទៅកាន់ក្លឹប Lazio ប៉ុន្តែការផ្លាស់ប្តូរទៅកាន់ក្លឹប Serie A មិនបានសម្រេចនោះទេ ខណៈដែលកីឡាករសញ្ជាតិបារាំងរូបនេះមិនមានឆន្ទៈក្នុងការលេងជាអ្នកចាំទីដៃទីពីរតាមពីក្រោយកីឡាករដៃទីមួយបច្ចុប្បន្ន Ivan Provedel នៅ Lazio ឡើយ។ ទោះបីជា Lloris ធ្លាប់បដិសេធការចាប់អារម្មណ៍ពីអារ៉ាប៊ីសាអូឌីតក៏ដោយ ការផ្លាស់ប្តូរទៅកាន់មជ្ឈឹមបូព៌ានៅតែជាជម្រើសដែលអាចសម្រេចបាន ខណៈដែលទីផ្សារដោះដូរកីឡាកររបស់អារ៉ាប់មិនទាន់បិទបញ្ចប់។
- Lloris បានបង្ហាញខ្លួនសរុបចំនួន ៤៤៧លើក សម្រាប់ក្រុម Tottenham នៅគ្រប់ការប្រកួតទាំងអស់ចាប់តាំងពីចូលរួមពីសំណាក់ក្លឹប Nice ក្នុងឆ្នាំ ២០១២ ដោយរក្សាបាល់មិនឲ្យចូលទីបាន ១៥១គ្រាប់។
- Lloris មិនបានឈ្នះពានរង្វាន់ក្នុងអំឡុងពេលដែលគាត់នៅ Spurs ប៉ុន្តែគាត់បានខិតទៅជិតនឹងលើកពាននៅពេលដែលពួកគេឈានដល់វគ្គផ្តាច់ព្រ័ត្រ EFL Cup ក្នុង ២០១៤/១៥ និងវគ្គផ្តាច់ព្រ័ត្រ Champions League ក្នុង ២០១៨/១៩។
- (អវត្ដមានរបស់ Lloris) អ្នកចាំទី Vicario បានរក្សា Clean Sheet ចំនួន ២ដងក្នុងការចាប់ផ្តើម Premier League ចំនួន ៤ដងមកទល់ពេលនេះ ដោយក្រុមរបស់ Postecoglou ឈរនៅលេខ២ ក្នុងតារាងបន្ទាប់ពីទទួលបាន ១០ពិន្ទុ តិចជាងក្រុមកំពូលតារាង Manchester City ត្រឹមតែ ២ពិន្ទុប៉ុណ្ណោះ៕
ប្រភពព័ត៌មាន៖ sportsmole.co.uk
គ្រូបង្វឹកក្រុមមេឃខៀវ Man. City លោក Pep Guardiola បានកំនត់គោលដៅលើកីឡាករ Rayan Ait-Nouri នៅក្នុងបញ្ជីផ្ទេរដ៍មានសក្តានុពលរបស់គាត់ ដើម្បីដោះស្រាយបញ្ហាវិបត្តិខ្សែការពារឆ្វេងសម្រាប់ក្រុមរបស់គាត់។ គួរកត់សម្គាល់ថាMan Cityក្រុមបញ្ចប់ចំណាត់ថ្នាក់លេខ៣នៅរដូវកាលនេះ បានដំណើរការលេងដោយគ្មានកីឡាករលេងតួនាទីខ្សែការពារឆ្វេងពោលគឺចាប់តាំងពីការចាកចេញរបស់កីឡាករមានរឿងអាស្រូវផ្លូវភេទគឺកីឡាករអន្តរជាតិបារាំង Benjamin Mendy តាំងពីកំលុងខែសីហា ឆ្នាំ ២០២១មកម្លេះ។អត្ថបទកំពុងចាប់អារម្មណ៍៖ Man.City ចង់បានកីឡាករលេងតួនាទីការពារស្លាបឆ្វេងពីក្លឹបគូប្រជែង EPL (មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស មានអីតកីឡាករមួយចំនួនដូចជាOleksandr Zinchenko, Joao Cancelo និងបច្ចុប្បន្នគឺ Josko Gvardiolធ្លាប់បានដាក់អោយលេងតួនាទីមួយនេះ ប៉ុន្តែមិនទទួលបានភាពប្រាកដប្រជានោះទេ ស្របបពេលកីឡាករវ័យក្មេងនិងជាយុវជនថ្នាល Nico O’Reilly បានដើរតួនាទីចុងក្រោយកាលពីរដូវកាលមុន រួមទាំងការបរាជ័យវគ្គផ្តាច់ព្រ័ត្រពានរង្វាន់ FA Cup ផងដែរនោះ។អ្នកចាត់ការសញ្ជាតិអេស្បាញលោក Pep Guardiola បច្ចុប្បន្នកំពុងពន្លឿនចង់ដោះស្រាយបញ្ហាមួយនេះនៅរដូវក្តៅខណៈ Ait-Nouri របស់ Wolves គឺជាកីឡាករដែលរូបលោក ចង់បាន។ មិនទាន់មានកិច្ចព្រមព្រៀងណាមួយកើតឡើងនៅឡើយទេសម្រាប់កីឡាករអន្តរជាតិអាល់ហ្សេរីមានដើមកំណើតកើតនៅប្រទេសបារាំងវ័យ ២៣ឆ្នាំរូបនេះទេ […]
