បន្ទាប់ពីត្រូវបានគ្រូបង្វឹកលោក Erik ten Hag ដកឈ្មោះចេញពីការប្រកួតកាលពីថ្ងៃអាទិត្យពេលបរាជ័យនៅទឹកដី Arsenal ដោយលទ្ធផល ៣ទល់និង១ ក្រោមហេតុផលថាកីឡាករអន្តរជាតិអង់គ្លេសរូបនេះបានធ្វើការហ្វឹកហាត់មិនបានល្អដល់ចំនុចដែលចង់បាន និង ជារៀងរាល់ថ្ងៃនោះ។ ខ្សែបម្រើស្លាប Jadon Sancho បានឆ្លើយតបវិញទាក់ទងទៅនិងបញ្ហានេះនៅលើប្រព័ន្ធផ្សព្វផ្សាយបណ្តាញសង្គមយ៉ាងដូច្នេះថាៈ សូមកុំជឿនូវអ្វីគ្រប់យ៉ាងដែលអ្នកបានអាន ។ខ្ញុំនឹងមិនអនុញ្ញាតឱ្យនរណាម្នាក់និយាយអ្វីដែលប្រាសចាកផ្ទុយពីការពិតទាំងស្រុងពេកនោះទេ ។ខ្ញុំបានជម្រុញ និងលើកទឹកចិត្តខ្លួនឯងអោយហ្វឹកហាត់យ៉ាងល្អក្នុងសប្តាហ៍នេះ។វាអាចជាហេតុផលផ្សេងមួយព្រោះខ្ញុំប្រៀបបីដូចជាកីឡាករដែលចង់បញ្ចេញសមត្ថភាពជួយក្រុម តែត្រូវបានគេទុកចោលទៅវិញ។ ជារឿងមិនយុត្តិធម៌ទាល់តែសោះ។
គួររំលឹកថាអតីតយុវជនថ្នាលក្លឹប Man.City Sancho វ័យ ២៣ ឆ្នាំបានសម្រេចចិត្តផ្លាស់មកកាន់លីកកំពូលអង់គ្លេស ពីក្រុម Borussia Dortmund ក្នុងតម្លៃ ៧៣ លានផោនក្នុងឆ្នាំ ២០២១ និងបានព្យាយាមប្រកួតប្រជែងនិងតំណែងជម្រើស១១នាក់ដំបូងអោយបានជាប់លាប់ ដោយស៊ុតបាល់បញ្ចូលទីបានចំនួន ៩ គ្រាប់ក្នុងលីក និង Assist បានត្រឹម ៦ ដងប៉ុណ្ណោះក្រោយបង្ហាញខ្លួនចូលលេង៥៨លើក។
ប្រភព:BBC
វីដេអូ:
