(បរទេស)៖ យោងតាម Defensa Central បានឲ្យដឹងថា ក្លឹបយក្សបារាំង Paris Saint-Germain បានដាក់សំណើកុងត្រាគួរឱ្យភ្ញាក់ផ្អើលមួយទៅកាន់ខ្សែប្រយុទ្ធរបស់ខ្លួន Kylian Mbappe ដែលមានតម្លៃ ១ពាន់លានអឺរ៉ូ ឬ ៨៦៥លានផោន ជាមួយនិងកិច្ចសន្យា រយៈពេល ១០ឆ្នាំ ដោយក្លឹប PSG នឹងចងជើង Mbappe ឲ្យនៅក្លឹបរហូតដល់អាយុ ៣៤ឆ្នាំ ហើយវាក៏នឹងក្លាយជាកិច្ចសន្យាកីឡាករ ដែលអាចរកប្រាក់ចំណូលបានច្រើនបំផុតក្នុងប្រវត្តិសាស្ត្រនៅអឺរ៉ុប។ ទោះបីជាយ៉ាងណាក៏ដោយ Mbappe បានប្រាប់ PSG ថាគាត់មិនត្រូវបានលើកទឹកចិត្តដោយទឹកប្រាក់នោះទេ ដោយក្តីសុបិនរបស់ Mbappe គឺចង់លេងឱ្យក្រុមអធិរាជស Real Madrid ជាកន្លែងដែលគាត់អាចឈ្នះក្នុងការប្រកួតប្រជែងពានរង្វាន់ធំៗបាន។ ខ្សែប្រយុទ្ធរូបនេះ បានបញ្ជាក់ប្រាប់ក្លឹបទៀតថា គាត់មិនមានបំណងចុះហត្ថលេខាលើកិច្ចសន្យាថ្មីឡើយ ហើយគាត់ក៏គ្រោងនឹងចាកចេញដោយមិនមានតម្លៃផ្ទេរនៅរដូវកាលក្រោយដែរ៕
ក្លឹបមាន់ខ្នាយមាស Tottenham Hotspur កំពុងពិភាក្សាជាមួយក្រុម Los Angeles FC ជុំវិញការផ្ទេរកីឡាករ Heung-min Son ដោយខ្សែប្រយុទ្ធរូបនេះយល់ព្រមចូលរួមជាមួយក្រុមនៅ MLS ហើយក្រោយចំណាយពេល១ទសវត្សនៅLondon Stadium ។ គួររំលឹកថា កីឡាករមានវ័យ 33 ឆ្នាំដែលបានចូលរួមជាមួយ Spurs ក្នុងឆ្នាំ 2015ពីក្រុម Leverkusen គ្រោងនឹងលេងការប្រកួតចុងក្រោយរបស់គាត់សម្រាប់ក្លឹបជាមួយ Newcastle ក្នុងការប្រកួតមិត្តភាពមុនបើករដូវកាលនៅថ្ងៃអាទិត្យនេះ។Son បានធ្វើសន្និសិទកាសែតមួយជាមួយគ្រូបង្វឹកថ្មីរបស់ Tottenham លោក Thomas Frank កាលពីថ្ងៃសៅរ៍ ហើយបានបញ្ជាក់ជាសាធារណៈនូវការសម្រេចចិត្តរបស់គាត់ក្នុងការចាកចេញក្រោយចំណាយលេងនៅក្លឹបមានមូលដ្ឋាននៅភាគខាងជើងទីក្រុងឡុងដ៍។អត្ថបទកំពុងចាប់អារម្មណ៍៖ ទោះបីមិនទាន់ទិញបាន Sesso ប៉ុន្តែ Man.Utd ត្រៀមលក់កីឡាកររូបនេះត្រឹមតែ 30លានផោន(មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស លក្ខខណ្ឌផ្ទាល់ខ្លួនត្រូវបានយល់ព្រមរួចហើយ ខណៈដែលការពិភាក្សារវាងក្លឹបទាំងពីរស្ថិតក្នុងដំណាក់កាលជឿនលឿនមួយ ដោយ Son គ្រោងនឹងចូលលេងរួមក្រុមសាជាថ្មី ជាមួយអតីតមិត្តរួមក្រុម Tottenham Hugoគឺអ្នកចាំទីអន្តរជាតិបារាំងHugo Lloris នៅអាមេរិកនោះ។ […]
