ក្លឹបយក្សបារាំង Paris Saint-Germain បានបង្កើនសកម្មភាពយ៉ាងខ្លាំងក្លានៅក្នុងទីផ្សារដោះដូរកីឡាករ ខណៈដែលពួកគេបានបញ្ចប់ការផ្ទេរយក សមាជិកថ្មី៦រូបមកហើយមកកាន់ទឹកដី Parc Des Princesមកទល់ពេលនេះ។ អ្វីដែលគួរកត់សម្គាល់មិនដូចឆ្នាំមុននោះទេ PSG មិនចំណាយលុយ​លើតារាឆ្នើមល្បីៗនិងកំពូលៗនោះឡើយប៉ុន្តែក្លឹបកំពុងតែព្យាយាមបណ្តុះកីឡាករដែលក្លឹបសម្លឹងឃើញពីអនាគតវែងឆ្ងាយរបស់ពួកគេជាមួយទេពកោសល្យដ៏ឆ្លាតវៃមានដូចជាៈខ្សែបម្រើ-ការពារវ័យ២២ឆ្នាំ របស់ក្លឹប Sportging Manuel Ugart ព្រមទាំងខ្សែបម្រើប្រយុទ្ធស្លាប Kang-in Lee និងខ្សែ​បម្រើCher Ndourមករួមក្រុម។អ្នកជំនាញការផ្ទេរកីឡាករលោក Fabrizio Romano បានលើកឡើងថា ក្រោយពីតារាឆ្នើម Kilyan Mbappe ត្រៀម​ចាកចេញពីក្លឹបដោយមិនបន្តកុងត្រាថ្មីនោះ ក្រុមជើងឯក Ligue-១ កំពុងសម្លឹងចង់ចុះហត្ថលេខារកកីឡាករដែល​មកស្នងតំណែងអា​វលេខ៩​ក្នុងពេលខាងមុខ។
ខាងក្រោមនេះជាកីឡាករវ័យក្មេង៣រូបដែលក្រុមលោកLuis Enrique អាចនិងចុះហត្ថលេខានាំយក
១.Goncalo Ramos

Goncalo Ramos គឺជាខ្សែប្រយុទ្ធល្អបំផុតម្នាក់នៅក្នុងក្របខ័ណ្ឌលីកកំពូលព័រទុយហ្គាល់កាលពីរដូវកាលមុន ដោយស៊ុតបញ្ចូលទីបាន ១៩គ្រាប់ក្នុងលីក និង Assist បាន ២ដង។ Ramos បានធ្វើអោយពិភពបាល់ទាត់ចាប់អារម្មណ៍ក្នុងការប្រកួត World Cup ដោយស៊ុតបញ្ចូលទីបាន Hat-trick ទល់នឹង Switzerland ក្នុងវគ្គ១៦ក្រុម ជាមួយ ការបង្កើតកំនត់ត្រាជាកីឡារវ័យក្មេង ទីពីរបន្ទាប់ពីវីរបុរសប្រេស៊ីលលោក Pele ដែលស៊ុត​បញ្ចូលទី​បាន Hat-trick នៅ World Cup ក្នុងការប្រកួតវគ្គជម្រុះខ្វែងពូល។ Ramos វ័យ ២២ឆ្នាំនិងមានកិច្ចសន្យារហូតដល់ឆ្នាំ​២០២៥និងមាន​តម្លៃខ្លួនទិញ​ផ្តាច់កុងត្រា១២០លានយូរ៉ូ។
២.Dusan Vlahovic

Dusan Vlahovic ជាខ្សែប្រយុទ្ធដ៍មុតស្រួចម្នាក់ប៉ុន្តែទោះបីជាJuventusជួបរដូវកាលចាស់ដ៏ខកចិត្ត Vlahovic នៅតែអាចរកគ្រាប់​បាល់បញ្ចប់ទី​បាន១៤ គ្រាប់ និងAssist ៤ ដងគ្រប់ក្របខណ្ឌប្រកួតចំនួន៤២លើកកាលពីរដូវកាលមុន។ខ្សែប្រយុទ្ធសញ្ជាតិស៊ែប៊ីរូប​នេះក៏អាចលេងក្នុង​ទម្រង់​បត់បែនជាបម្រើ-ការពារបានផងដែរ ដែលវាស័ក្តសមសម្រាប់លោក Enrique ក្នុងការរៀបចំប្រព័ន្ធប្រយុទ្ធ ស្របពេល Juventus កំពុងជួបប្រទះ​បញ្ហាហិរញ្ញវត្តុ ដូច្នេះឪកាសនេះអាចនិងធ្វើអោយ PSG ផ្ទេរយកកីឡាករវ័យ២៣ឆ្នាំមករួមក្រុមបាន។
៣.Kolo Muani

ខ្សែប្រយុទ្ធអន្តរជាតិបារាំង Randal Kolo Muani ជាកីឡាករឆ្នើមរបស់ Frankfurt កាលពីរដូវកាលមុន ដោយស៊ុតបញ្ចូលទីបាន ១៥ គ្រាប់ និង​Assist ១៤ដង នៅលីកកំពូលអាឡឺំម៉ង់ និងរកគ្រាប់បាល់ សរុបបាន២៣គ្រាប់និង Assist ១៧ដងសម្រាប់ការប្រកួត​សរុប៤៦លើក​គ្រប់ក្របខណ្​ឌប្រកួត ។កីឡាករវ័យ២៤ឆ្នាំរូបនេះចូលចិត្តលេងបាល់ខ្លីៗ និងបញ្ជូនបាល់អោយគូបដិបក្សនិងបញ្ចូន​ចូលតំបន់បម្រើកណ្តាលដោយ​មិនកំណាញ់​ចិត្តឡើយ ដែលចំនុចអស់ទាំងនេះគឺជាទីចូលចិត្តរបស់លោក Enrique តែម្តង។ អាចនិយាយបានថាMuani គឺជាគោលដៅរបស់ PSG សម្រាប់​គម្រោង​ការដ៍យូរអង្វែងក្នុងនាមយុវជនជំនាន់ក្រោយនៅពេលនេះ។
ប្រភព:sportskeeda