(ប៉ាសេឡូណា)៖ ក្លិបបាល់ទាត់ Barcelona បានសម្រេចកិច្ចព្រមព្រៀងមួយ ដើម្បីចុះកិច្ចសន្យានាំយកកីឡាករ Vitor Roque មកពីក្លិប Athletico Paranaense ជាមួយនឹងខ្សែប្រយុទ្ធសញ្ជាតិប្រេស៊ីលរូបនេះ និងចូលរួមជាមួយក្លិបម្ចាស់ពានរង្វាន់អេស្ប៉ាញ ចាប់ពីរដូវកាល២០២៤-២៥ រហូតដល់ឆ្នាំ២០៣១។ នេះបើយោងតាមការប្រកាសពីក្លិប លេងនៅលីគ LaLiga ហើយត្រូវបានចុះផ្សាយ ដោយសារព័ត៌មាន CNA នៅថ្ងៃទី១៣ ខែកក្កដា ឆ្នាំ២០២៣។
ព័ត៌មានលម្អិតពាក់ព័ន្ធនឹងបញ្ហាហិរញ្ញវត្ថុ មិនត្រូវបានគេបង្ហាញនោះទេ ប៉ុន្តែប្រព័ន្ធផ្សព្វផ្សាយបានឲ្យដឹងថា Barca បានព្រមព្រៀងផ្តល់នូវការផ្ទេរតម្លៃ ៤០លានអឺរ៉ូ (៤៤.០៧លានដុល្លារ) ជាមួយនឹងប្រាក់បន្ថែម ២១លានអឺរ៉ូ សម្រាប់កីឡាកររូបនេះ ដែលត្រូវបានគេមើលឃើញថា នឹងស្នងដំណែងពីកីឡាករ Robert Lewandowski ដែលនឹងមានវ័យ ៣៥ឆ្នាំនៅខែក្រោយ។ Vitor Roque មានវ័យ ១៨ឆ្នាំរូបនេះ រកបានគ្រាប់បាល់ ២២គ្រាប់ សម្រាប់ក្លិប Paranaense ក្នុងការបង្ហាញខ្លួន៦៦លើក ដោយបានជួយឲ្យក្លិបឈានដល់វគ្គផ្តាច់ព្រ័ត្រ Copa Libertadores កាលពីរដូវកាលមុន។ Vitor Roque បានទទួលការកោះហៅជាលើកដំបូងរបស់លោក លេងឲ្យក្រុមជម្រើសជាតិប្រេស៊ីល កាលពីខែមីនា, ដោយក្លាយជាកីឡាករបង្ហាញខ្លួនលើកដំបូង មានវ័យក្មេងជាងគេបង្អស់ សម្រាប់ក្រុមជម្រើសជាតិប្រេស៊ីល ដែលជាម្ចាស់ពានរង្វាន់ World Cup ចំនួន ៥លើក៕
កីឡាករ Jean-Philippe Mateta បានស៊ុតបញ្ចូលទីបបីគ្រាប់ ខណៈមិត្តរួមក្រុម Eberechi Eze ស៊ុតបញ្ចូលទីបានពីរគ្រាប់ ជួយអោយក្រុមម្ចាស់ផ្ទះ Crystal Palace បានលត់ Aston Villa ដែលជាក្រុមមានកៅអីលេងនៅក្របខណ្ឌ Champion league រដូវកាលថ្មី ដោយលទ្ធផល ៥ទល់និង០ និងជួយអោយក្រុមមានមូលដ្ឋាននៅទីក្រុងឡងដ៏បញ្ចប់រដូវកាលឈរនៅលេខរៀងទី១០។អត្ថបទកំពុងចាប់អារម្មណ៍៖ សោកស្តាយ! កីឡាករឆ្នើម ២ រូបនឹងចាកចេញពីក្លឹប Liverpool សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស CrystalPalace បញ្ចប់រដូវកាលជាមួយនឹងការប្រកួតដែលមិនដែលចាញ់ចំនួន ៧ ប្រកួតចុងក្រោយ ខណៈAstn Villa ដែលបានទទួលចំណាត់ថ្នាក់លេខ ៤ រួចហើយនោះ អាចរកបានបានត្រឹមតែ ២ ពិន្ទុប៉ុណ្ណោះពីការប្រកួតនៅក្នុងវគ្គចុងក្រោយ។វាជាការបញ្ចប់ដ៏យ៉ាប់យ៉ឺនសម្រាប់ក្រុមរបស់លោក Unai Emery ដែលមានសិទ្ធិចូលលេង Champions League ក្រោយខកខាន ៤១ ឆ្នាំ បន្ទាប់ពីការប្រកួតចុងក្រោយរបស់ពួកគេក្នុងពាន European Cup។ […]