លោក Carlo Ancelotti គ្រូបង្វឹកក្រុម Real Madrid មិនបានផ្លាស់ប្តូរជំហររបស់គាត់ចំពោះកីឡាករពីររូបចេញពីក្រុមឈុតធំដំបូងខណៈអ្នកចាត់ការសញ្ជាតិអ៊ីតាលីបានដកឈ្មោះកីឡាករចំនួន២រូបចេញពីការហ្វឹកហាត់កំដៅសាច់ដុំមុនពេលយុទ្ធនាការថ្មីចាប់ផ្តើម។ កីឡាករទាំងពីររូបនោះគឺAlvaro Odriozola និង Jesus Vallejo ខណៈសាម៉ីខ្លួនក៏បានដឹង ច្បាស់ហើយថាពួកគេគឺជាចំណែកលើសចាប់តាំងពីឆ្នាំមុនមកម្លេះក៍ព្រោះតែពួកគេទាំងពីរគឺ Odriozola ជា និង Vallejo ចូលលេងតួនាទីជាខ្សែការពារបានតែ១៨០នាទី ប៉ុណ្ណោះសម្រាប់រដូវកាលចាស់។
គួរបញ្ជាក់ថាសម្រាប់Odriozola កីឡាករអន្តរជាតិអេស្បាញវ័យ២៧ឆ្នាំធ្លាប់លេងខ្ចីជើងនៅក្លឹប Bayern Munich និង Fiorentina ចន្លោះឆ្នាំ២០២០-២០២២ខណៈ Vallejo មានបទពិសោធន៏ធ្លាប់លេងខ្ចីជើងដល់ទៅក្លឹប៤គឺ Zaragoza,Frankfurt,Wolverhampton និង Granada ចន្លោះ ឆ្នាំ២០១៥-២០២១។ដូច្នេះការសម្រេចចិត្តលើកនេះពិតជាបានអោយពួកគេទាំងពីរយល់ច្បាស់ថាក្លឹបលែងត្រូវការរូបគេបន្តទៀតហើយ បើទោះបីជា Vallejo នៅមានកុងត្រាជាមួយក្លឹបរហូតដល់ឆ្នាំ២០២៥ក៍ដោយ។
ជាលើកទី៣សម្រាប់ក្នុងរយៈពេល ១១ ឆ្នាំចុងក្រោយនេះខណៈការប្រជែងដណ្តើមពាន Premier League នឹងត្រូវសម្រេចនៅថ្ងៃចុងក្រោយនៃការប្រកួតបិទរដូវកាល ខណៈក្រុមម្ចាស់ជើងឯក Manchester City កំពុងសម្លឹងរកការការពារពានរបស់ខ្លួននៅផ្ទះនាទឹកដី Eithad ទល់នឹងក្រុមញញួរធំ West Ham United សម្រាប់ការប្រកួតចុងក្រោយនៅថ្ងៃអាទិត្យស្អែកនេះវេលាម៉ោង ១០យប់។សម្រាប់ក្រុមលោក David Moyes អាចដើរតួជាក្តីសង្ឃឹមតែមួយគត់ដែលអាចជំនួសអោយក្រុម Arsenal របស់លោក Mikel Arteta ក្នុងការបង្អាក់ការលើកពានក្រុមលោក Pep Guardiola ដើម្បីសាងប្រវត្តិសាស្រ្តលើកពាន ក្របខណ្ឌ EPL ជាលើកទី៤បាននោះ។ ៦ប្រកួតចុងក្រោយនៅក្របខណ្ឌ Premier League របស់ Man.City គឺធ្វើបានល្អណាស់ ខណៈពួកគេមិនដែលចាញ់និងឈរនៅលេខរៀងទី១ ដោយមានគម្លាត ពីក្រុម Arsenal ២ពិន្ទុប៉ុណ្ណោះ ។សម្រាប់ West Ham វិញ៦ប្រកួតចុងក្រោយនៅក្របខណ្ឌ EPL គឺឈ្នះ២ចាញ់៣ស្មើ១បច្ចុប្បន្នឈរនៅលេខរៀងទី១៥។ ជួបគ្នាដើមរដូវកាល West Ham ១:៣ Man.City។អត្ថបទកំពុងចាប់អារម្មណ៍៖ អតីតខ្សែប្រយុទ្ធ Man.Utd […]