បន្ទាប់ពីការចាកចេញរបស់ប្រធានក្រុមចុងក្រោយគឺ Sergio Busquets ទីបំផុត Barcelona បានបង្ហាញមុខប្រធានក្រុមថ្មីដំបូងរបស់ពួកគេ នៅលើប្រព័ន្ធផ្សព្វផ្សាយសង្គម។ ម្នាក់នោះគ្មាននរណាក្រៅពីSergio Roberto ដែលលេងតួនាទីជាខ្សែបម្រើប្រយុទ្ធដែលនិង ពាក់ស្លាកដៃដើរតួនាទីជាកាពីតែនក្រុមខណៈប្រិយមិត្តអ្នកគំាទ្រភាគច្រើនបានដឹងថាឪកាសនោះវានិងមកដល់។ គួរបញ្ជាក់ថាក្រោយការចាកចេញ របស់ រៀម ច្បងJordi Alba និង Sergio Busquets និងជាមិត្តរួមក្រុមចាប់តាំងពីហ្វឹកហាត់នៅសាលាយុវជនរបស់ Barcelona ក្នុងឆ្នាំ ២០០៦ ឥឡូវនេះ ជាលើកទីមួយហើយដែល Barcelona បានបង្ហាញមុខប្រធានក្រុមរបស់ពួកគេនៅលើគណនី Twitter របស់ក្លឹបយក្ស Catalan ជាមួយនឹង ចំណង ជើងដែលសរសេរថា : ថ្ងៃដំបូងក្នុងនាមជាប្រធានក្រុមដំបូង ។
Roberto ដែលលេងតួនាទីជាបម្រើ-កាពារ កីឡាករវ័យ ៣១ ឆ្នាំរូបនេះលេងបានប្រមាណ ៣៥០ ប្រកួតសម្រាប់ក្រុមឈុតធំនិង ធ្លាប់ដើរតួនាទីជាប្រធានក្រុមទីពីរបន្ទាប់ពីBusquets ។
គាត់បានឈ្នះពានសរុប ២៧ ដែលក្នុងនោះរួមមានពាន La Liga ចំនួន ៧ដង ពាន Spanish Super Cup ៦លើក និងពានរង្វាន់ Champions League ចំនួនពីរ។ ទោះបីបង្ហាញខ្លួនមានកម្រិតកាលពីរដូវកាលមុន ប៉ុន្តែកីឡាករអន្តរជាតិអេស្បាញនៅតែដើរតួនាទីសំខាន់នាទឹកដី Camp Nou ខណៈក្លឹបបានសម្រេចបន្តកុងត្រា១ឆ្នាំទៀតដល់ Roberto ផងដែរ។
ប្រភព:Besoccer
ប្រភព:
