ខ្សែប្រយុទ្ធឆ្នើមក្រុមមាន់គកបារាំង Kylian Mbappe បានទៅដល់ប្រទេសកំណើតឪពុករបស់ខ្លួនគឺកាមេរូន និងទទួលបានមកវិញនូវការស្វាគមន៍យ៉ាងកក់ក្តៅ និង រីករាយពីសំណាក់អ្នកគាំទ្រកាលពីថ្ងៃព្រហស្បតិ៍ សម្រាប់ដំណើរទស្សនកិច្ចដែលរួមមានការងារសប្បុរសធម៌ជាមួយកុមារគថ្លង់ និងដំណើរកម្សាន្តទៅកាន់ភូមិដែលឪពុករបស់ខ្លួនលោក Wilfrid Mbappe បានកកើតផងដែរ។សមាជិកជ័យលាភី World Cup ២០១៨បានធ្វើដំណើរទៅកាន់ប្រទេសកាមេរូនដោយផ្ទាល់ពីសហរដ្ឋអាមេរិកជាកន្លែងដែលគាត់បានចូលរួមជាភ្ញៀវនៅឯពិធីជប់លៀងក្រុមស្បែកសរបស់លោក Michael Rubin នោះ។
មានមនុស្សជាច្រើនដែលសុទ្ធសឹងជាអ្នកស្រលាញ់វិស័យបាល់ទាត់ក្នុងចំណោមប្រជាជនទាំងនោះបានរាក់ទាក់ទទួលខ្សែប្រយុទ្ធវ័យ ២៤ ឆ្នាំរូបនេះដោយពួកគេបានស្លៀកពាក់អាវកីឡាបាល់ទាត់របស់ក្លឹប Paris Saint-Germain នាឱកាសដ៏រីករាយនោះ។ពួកគេបានស្រែកហៅឈ្មោះរបស់គាត់យ៉ាងកងរំពងនៅពេលដែល Mbappe បានចេញពីស្ថានីយនៅឯព្រលានយន្តហោះក្នុងរដ្ឋធានី Yaounde ។
Mbappé និងចូលរួមការប្រកួតមិត្តភាពពិសេសជាមួយក្លឹបបាល់ទាត់ Vent d’Etoudi ដែលជាក្រុមនៅលីកលំដាប់ផ្នែកទីពីរនៅក្នុងប្រទេសកាមេរូន ដែលជាកម្មសិទ្ធិរបស់លោក Yannick Noah ។
ប្រភព:sportsbrief
វីដេអូ:
