ខណៈពេលដែលក្រុម Parisians សម្លឹងចង់ឈ្នះពានរង្វាន់លើកទី៤ក្នុងរដូវកាល 2024/25 សមាជិករបស់ពួកគេម្នាក់គឺ Marco Asensio កំពុងត្រៀមចែកផ្លូវជាមួយ PSG នៅរដូវក្តៅនេះហើយខណៈក្លឹបដែលរូបគេចង់ផ្លាស់ទៅនោះគឺ Fenerbahce។សម្រាប់ខ្សែបម្រើ-ប្រយុទ្ធស្លាបឆ្វេងAsensio បានមកដល់ទឹកដី Parc des Princes ពី Real Madrid ក្នុងឆ្នាំ 2023 ប៉ុន្តែឱកាសចូលលេងមិនទៀងទាត់ទើបរូបគេត្រូវបានក្លឹប Aston Villa ខ្ចីជើងក្នុងខែកុម្ភៈ សម្រាប់យុទ្ធនាការដែលនៅសល់។ ទោះយ៉ាងណាកិច្ចសន្យាបច្ចុប្បន្នរបស់គាត់មានសុពលភាពរហូតដល់រដូវក្តៅឆ្នាំ 2026 ជាមួយ PSG។
សម្រាប់ Aston Villa កីឡាករអន្តរជាតិអេស្បាញវ័យ 29 ឆ្នាំរូបនេះបានស៊ុតបញ្ចូលទីបាន 8 គ្រាប់ និងបញ្ជូនបាល់ឱ្យមិត្តរួមក្រុមស៊ុតបញ្ចូលទីបានមួយគ្រាប់ក្នុងការបង្ហាញខ្លួនចំនួន 21 លើកសម្រាប់ក្លឹបនៅ Premier League ។ ផ្ទុយទៅវិញឱកាសផ្លាស់ប្តូរជាអចិន្ត្រៃយ៍ទៅកាន់ Aston Villa មិនបានឈានដល់កិច្ចព្រមព្រៀងលើលក្ខខណ្ឌផ្ទាល់ខ្លួនបានទេ។
Asensio ត្រូវបានគេនិយាយថាកំពុងសម្លឹងមើលការចូលរួមក្នុងក្លឹបដែលអាចផ្តល់ឱ្យគាត់នូវនាទីទៀងទាត់នៅលើទីលានមុនពេលការប្រកួត FIFA World Cup ឆ្នាំ 2026 ដែលគ្រោងនឹងធ្វើឡើងក្នុងនាមសហរដ្ឋអាមេរិក កាណាដា និងម៉ិកស៊ិកជាម្ចាស់ផ្ទះរួមគ្នា។
ប្រភព:Yahoo
វីដេអូ:
(អង់គ្លេស)៖ របាយការណ៍ថ្មីៗនាព្រឹកនេះ បានឲ្យដឹងថា គ្រូបង្វឹកបច្ចុប្បន្នក្លឹប Crystal Palace លោក Oliver Glasner គឺជាបេក្ខភាពជំនួសតំណែងអ្នកចាត់ការទូទៅក្លឹបបិសាចក្រហម Manchester United គឺលោក Ruben Amorim បន្ទាប់ពីមានភាពចម្រូងចម្រាស់បរាជ័យផ្ទួនៗតែម្តងនារដូវកាលថ្មី Premier League ដោយស្ថិតនៅក្នុងចំណាត់ថ្នាក់លេខ១៤។អត្ថបទកំពុងចាប់អារម្មណ៍៖ ស្ថានការណ៍មិនសមប្រកប! គ្រូបង្វឹកថ្មីម្នាក់ នឹងចូលជំនួសលោក Amorim ប្រសិនក្លឹបមិនធ្វើរឿងមួយនេះ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរកត់សម្គាល់ថា លោក Glassner បានគំរាមកំហែងពីការលាឈប់ពីតួនាទីរបស់គាត់នៅ Crystal ប្រសិនបើក្លឹបនៅតែចង់លក់ប្រធានក្រុម Marc Guehi ទៅឲ្យក្លឹបហង្សក្រហម Liverpool ៕ ប្រភព៖ SPORTbible
