ពិធីករទូរទស្សន៍ជើងចាស់របស់អង់គ្លេស Piers Morgan បានទស្សន៍ទាយថាក្រុមកាំភ្លើងធំ Arsenal នឹងឈ្នះពាន Premier League នៅរដូវកាលនេះ។ ក្នុងនាមជាចាស់ទុំក្នុងវិស័យ Media លោក Morgan ដែលធ្លាប់ធ្វើបទសម្ភាសន៍ជាមួយអធិរាជបាល់ទាត់គឺកំពូលខ្សែប្រយុទ្ធស្លាប Cristiano Ronaldo បានបញ្ចេញមតិយល់ឃើញបែបនេះក្រោយការប្រកួតក្រុមភ្ញៀវ Arsenal ប្រកួតស្មើ ២ទល់និង២ នៅក្របខណ្ឌ Premier League ទល់នឹង Man. City កាលពីថ្ងៃអាទិត្យ។
Morgan បុរសសញ្ជាតិអង់គ្លេសវ័យ៥៩ឆ្នាំបានកត់សម្គាល់ឃើញថាទោះបីជានៅសល់គ្នាតែ១០នាក់បន្ទាប់ពីខ្សែប្រយុទ្ធLeandro Trossard ត្រូវបានបណ្តេញចេញនៅចុងបញ្ចប់តង់ទី១ ប៉ុន្តែក្រុមលោក Pep នៅតែមិនអាចផ្តួលក្រុមភ្ញៀវបាន។
លោក Morgan បានសរសេរនៅលើបណ្តាញសង្គមដោយមានសំណេរបន្ថែមយ៉ាងដូច្នេះផងដែរថាៈក្រុមបានបង្ហាញពីភាពខ្លាំង និងលេងដោយមានក្រមសីលធម៌ព្រោះពួកគេកំពុងលេងជាមួយក្រុមដែលមានគ្នា១២នាក់បូករួមទាំងអាជ្ញាកណ្តាលលោកMichael Oliver ផងដែរ។
ប្រភព: Dailypost
