គ្រាប់បាល់ស៊ុតបញ្ចូលទីដ៏ល្អរបស់ខ្សែការពារកណ្តាល Riccardo Calafiori ដោយការស៊ុតជើងឆ្វេងពីចំងាយដើម្បីតាមស្មើការរកបានគ្រាប់បាល់បើកឆាក របស់ Erling Haaland នៅ១តង់ទីក្នុងការប្រកួតក្របខ័ណ្ឌ Premier League ក្នុងការប្រកួតនៅថ្ងៃអាទិត្យ បានធ្វើអោយអ្នកចាត់ការសញ្ជាតិអេស្បាញមិនសប្បាយចិត្តនោះទេ។ អ្វីដែលប្រិយមិត្តអ្នកគាំទ្របានចាប់អារម្មណ៍នោះគឺ បុរសសញ្ជាតិអេស្បាញលោក Pep Guadiola ក្នុងនាមម្ចាស់ផ្ទះ បានសម្តែងអារម្មណ៏មិនសប្បាយចិត្តដោយលើកជើងធាក់កៅអី​អង្គុយរបស់ខ្លួន និងបានរត់ទៅរកអាជ្ញាកណ្តាលលោក Michael Oliver ដែលអនុញ្ញាតឱ្យក្រុមភ្ញៀវប្រញាប់និងចាប់ផ្តើមកែបាល់យ៉ាងលឿនដើម្បីវាយបកតាមស្មើនៅតង់ទី១មុនបញ្ចប់ការប្រកួតផ្លូវការណ៏ស្មើគ្នា ២ទល់និង២  បើទោះបីជាArsenal នៅសល់អ្នកលេងតែ១០នាក់ ក្រោយពី ខ្សែប្រយុទ្ធ Leandro Trossard ត្រូវអាជ្ញាកណ្តាលបណ្តេញចេញពីការប្រកួតក្រោមការចោតប្រកាន់ថាបានទាត់បាល់ចេញឆ្ងាយ។

ទោះបីជាអាចឈរនៅកំពូលតារាងដោយមានគម្លាតត្រឹម១ពិន្ទុពីក្រុម Liverpool ប៉ុន្តែក្រុមមេឃខៀវ Man.City កំពុងប្រឈមអវត្តមានកីឡាករឆ្នើម Roderi Hernandez បានរងរបួសជង្គង់និងត្រូវប្តូរចេញចាប់តាំងពីតង់ទី១ នាទីទី២០ ក្រោយប៉ះទង្គិចជា Thomas Partey ។ សម្រាប់ Man.City ទោះបីជាស្មើគ្នា និងចែកពិន្ទុត្រឹម១ពិន្ទុ ប៉ុន្តែក្រុមម្ចាស់ផ្ទះបានឡើងមកឈរនៅលេខរៀងទី ១លើតារាងក្របខណ្ឌ EPL ដោយមានគម្លាតពី Liverpool ១៣​ទល់និង១២ក្រោយប្រកួតបាន ៥ដង។
ប្រភព:The Mirror